नीलकण्ठ नगरपालिका भित्रका १५४ विद्यार्थीलाई उच्च शिक्षा अध्ययनको लागि छात्रबृत्ति वितरण

धादिङ,१५ मंसिर
धादिङको नीलकण्ठ नगरपालिकाले नगरपालिका भित्रका १५४ जनालाई छात्राबृत्ति वितरण गरेको छ।नगरपालिका भित्र स्थाई बसोबास भएका र देशका विभिन्न विद्यालयमा अध्ययनरत विद्यार्थीहरुलाई उच्च शिक्षा अध्ययनको लागि छात्राबृत्ति वितरण गरेको हो। नगरपालिकाले एमबिबिएस,ईन्जिनियरीङ,स्नात्तकोत्तर मास्टर डिग्री र स्नातक तह अध्ययन गर्ने विद्यार्थीहरुलाई नीलकण्ठ नगरपालिकाका नगर प्रमुख भीमप्रसाद ढुंगानाले हस्तान्तरण गर्नुभएको हो ।

धादिङबेसी स्थित सिटी हलमा सम्पन्न कार्यक्रममा एमबिबिएस अध्ययन गर्ने ३ जनालाई जनही एक÷एक लाख रुपैँया,ईन्जिनियरीङ अध्ययनरत १४ जना विद्यार्थीहरुलाई नगद जनही ४०/४० हजार,स्नात्तकोत्तर अध्ययनरत १२ जनालाई जनही ७÷७ हजार र स्नातक अध्ययन गर्ने १२५ जनालाई नगद ५/५ हजारको दरले १५ लाख ७० हजार रुपैँया छात्राबृत्ती वितरण गरीएको हो ।नीलकण्ठ नगरपालिकाका नगर प्रमुख एवं नेपाल नगरपालिका संघका अध्यक्ष भीमप्रसाद ढुंगानाको अध्यक्षतामा सम्पन्न भएको कार्यक्रममा नगर उप प्रमुख दिपक विश्वकर्मा,प्रमुख प्रशासकीय अधिकृत हरिदत्त कंडेल, दलित अधिकारकर्मी तथा नेपाल काँग्रेसका नेता गोपाल विश्वकर्मा, नीलकण्ठ नगरपालिकाका सल्लाहकार दिपक कोईराईला ,कार्यपालिका सदस्य मन्जु थापा मगर,दलित अधिकारकर्मी शंकर परियार लगायतको आतिथ्यता रहेको थियो ।

कार्यक्रममा बोल्ने अतिथीहरुले नीलकण्ठ नगरपालिकाले शिक्षा क्षेत्रमा गरेको कामको उच्च प्रशंसा गर्नुभएको थियो । कार्यक्रमलाई सम्बोधन गर्नुहुदै नगर प्रमुख भीमप्रसाद ढुंगानाले शिक्षा क्षेत्रको विकासको लागि अर्जुन दृष्टि लगाएर काम गरीरहेको बताउनुभयो । कक्षा १२ सम्मको शिक्षा निशुल्क,प्रतिस्पर्धाबाट प्रध्यानाध्यापक नियुक्ती,भौतिक संरचना निर्माण,खेलकुद शिक्षक नियुक्ती,छात्राबृत्ती लगायत विद्यालय मनोपरामर्श कार्यक्रम सन्चालन गरेर शिक्षा क्षेत्रको विकास गरीरहेको बताउनुभयो ।

कुल बजेटको ४२ प्रतिशत भन्दा बढी रकम शिक्षा क्षेत्रमा लगानी गरेको भन्दै उहाँले आगामी आउने मेयरले पनि शिक्षा क्षेत्रलाई यसैगरी निरन्तरता दिनको लागि आग्रह गर्नुभयो ।सिमित श्रोत र साधनका बिच नीलकण्ठ नगरपालिका देशभरकै उत्कृष्ट स्थान हासिल गरेको भन्दै उहाँले युवाहरुलाई स्वदेशमै बस्न र काम गर्नको लागि आग्रह गर्नुभयो ।छात्राबृत्ति पाएपछि विद्यार्थीहरु खुसि भएका छन् । उनीहरुले नीलकण्ठ नगरपालिकाले आफुहरुलाई ठुलो सहयोग गरेको भन्दै धन्यवाद ज्ञापन गरेका छन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।