सेल्टा भिगोसँग रियल म्याड्रिड स्तब्ध « रिपोर्टर्स नेपाल
काठमाडौं, मंसिर २२ । स्पेनिस लिग ला लिगामा रियल म्याड्रिड स्तब्ध बनेको छ । आइतबार राति भएको खेलमा ९ खेलाडीमा समेटिएको रियल म्याड्रिड सेल्टा भिगोसँग २-० गोलले पराजित भएको हो ।
इस्टाडियो सान्टियागो बेर्नाबेउमा भएको खेलमा म्याड्रिडलाई जित दिलाउन विलियट स्वेडबर्गले दुई गोल गरे । पहिलो हाफ गोलरहित बराबरीमा सकिएको खेलको ५३ औँ मिनेटमा विलियटले गोल गर्दै सेल्टा भिगोलाई शुरूवाती अग्रता दिलाएका थिए । ६४ औँ मिनेटमा फ्रान्सिस्को गार्सिया दुई मिनेटको अन्तरालमा दुई पहेंलो कार्डसहित रातो कार्ड पाउँदै मैदान बाहिरिएपछि म्याड्रिड १० खेलाडीमा समेटिएको थियो ।
दोस्रो हाफको इन्जुरी समयमा अल्भारो कारेरासपनि रातो कार्ड पाउँदै मैदान छोडेपछि म्याड्रिडले ९ खेलाडीमा रहेर खेलको अन्त्य गरेको थियो । एक मिनेटपछि विलियटले व्यक्तिगत दोस्रो गोल गर्दै पाहुना टोलीलाई २-० गोलको जित दिलाएका हुन् ।
जितसँगै सेल्टा भिगो १५ खेलबाट १९ अंक जोड्दै दसौं स्थानमा उक्लिदा म्याड्रिडले शीर्ष स्थानमा रहेको बार्सिलोनासँग अंकदुरी घटाउने मौका गुमाएको छ । हाल म्याड्रिड १६ खेलबाट ३६ अंक जोड्दै तालिकाको दोस्रो स्थानमा रहेको छ भने शीर्ष स्थानको बार्सिलोनाको समान खेलबाट ४० अंक रहेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ चैत्र १०, मंगलवार २०:१२नविनिर्वाचित प्रतिनिधि सभाका ज्येष्ठ सदस्य केसीले भोलि शपथ लिने- समाचार२०८२ चैत्र १०, मंगलवार १७:१२गण्डकी भित्तेपात्रो–२०८३ विमोचन तथा नववर्ष २०८३ को शुभकामना आदानप्रदान सम्पन्न
- समाचार२०८२ चैत्र १०, मंगलवार १६:५०कांग्रेसको १५औँ महाधिवेशन भदौ २४ देखि २६ गतेसम्म गर्ने प्रस्ताव
- समाचार२०८२ चैत्र १०, मंगलवार ११:४३सुन तोलामा एक हजार छ सयले घट्यो
