रोटरी क्लब अफ धादिङद्धारा न्यानो कपडा वितरण

धादिङबेशी,२७ मंसिर । रोटरी क्लब अफ धादिङले बेनिघाट रोराङ-५ स्थित चन्द्रोदय माध्यमिक विद्यालयमा अध्ययनरत १६९ असहाय तथा विपन्न बालबालिकालाई न्यानो कपडा वितरण गरेको छ। क्लबका सदस्यहरूले आफैं जुटाएको करिब दुई लाख रुपैयाँ बराबरको टिसर्ट र ट्रयाकसुट वितरण गरिएको हो।

कार्यक्रममा क्लबका अध्यक्ष डा. रामचन्द्र रिजालले असहाय बालबालिकालाई न्यानो कपडा वितरण गर्न पाउँदा क्लब सबै सदस्य खुशी भएको बताए। रोटरी ईन्टरनेशनल ३२९२ का असिस्टेन्ट गर्भनर रोटरीयन अशोक कुमार बस्नेतले सामाजिक कार्य र बालबालिकाको विकासमा सबैले ध्यान दिनुपर्नेमा जोड दिनुभयो र यस अवसरमा क्लबका पदाधिकारीहरूले समुदायका कमजोर वर्गलाई सहयोग गर्नु रोटरीको प्रमुख उद्देश्य रहेको बताउँदै भविष्यमा पनि यस्ता सामाजिक कार्यक्रम जारी रहने बताउनु भयो ।

कार्यक्रममा संस्थाका अध्यक्ष डा. रामचन्द्र रिजाल, संस्थापक अध्यक्ष ध्रुव बहादुर थापा, पूर्व अध्यक्ष अशोक कुमार बस्नेत, कृष्णलाल उप्रेती, रोहित भण्डारी, सुदिप रसाइली, वडा अध्यक्ष रोशन सिलवाल, विद्यालयका अध्यक्ष तथा प्रधानाध्यापक, धादिङ उद्योग बाणिज्य संघका अध्यक्ष रामकुमार डल्लाकोटी लगायत रोटरीयन र रोट्रयाक्टरहरुको सहभागिता रहेको थियो।

न्यानो कपडा वितरणमा रामकुमार डल्लाकोटी, उमेश रूवाली, संदेश त्रिपाठी, तुलसी थापा, रोहित भण्डारी, अशोक कुमार बस्नेत, तिलक सिंखडा सहितका रोटरीयन र रो. रामचन्द्र उप्रेति (हाल–अमेरिका) को विशेष सहयोग रहेको थियो।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।