कोसोक नेपाल धादिङको अध्यक्षमा सिताराम कोइराला निर्वाचित
धादिङबेशी,१९ पौष । परिवर्तनका लागि प्रतिबद्ध समाज—कोसोक नेपाल धादिङको १८ औँ साधारण सभा तथा पाँचौँ अधिवेशन सम्पन्न भएको छ । अधिवेशनले आगामी कार्यकालका लागि नयाँ कार्यसमिति सर्वसम्मत रूपमा निर्वाचित गरेको छ ।
निर्वाचित कार्यसमितिको अध्यक्षमा सीताराम कोइराला चयन हुनुभएको छ । उपाध्यक्षमा हरि सुनार, महासचिवमा मानबहादुर श्रेष्ठ, सचिवमा मनिष दुवाडी र कोषाध्यक्षमा रञ्जु ढुंगाना निर्वाचित हुनुभएको छ । त्यसैगरी सदस्यहरूमा अमृत विक, ईश्वर कोइराला, मदनराज भारती, गीता खतिवडा र नानु कार्की रहनुभएको छ ।
साधारण सभामा संस्थाको वार्षिक तथा आर्थिक प्रतिवेदन प्रस्तुत गर्दै आगामी दिनमा सञ्चालन गरिने कार्यक्रमबारे छलफल गरिएको थियो । कोसोक नेपालले विगत २२ वर्षदेखि धादिङ जिल्लामा सडक सुरक्षा, विपद् व्यवस्थापन, खानेपानी तथा सरसफाइ, गरिबी निवारण, नवीकरणीय ऊर्जा विकास तथा सुर्तिजन्य पदार्थविरुद्धको अभियान लगायत सामाजिक विकासका विभिन्न क्षेत्रमा निरन्तर काम गर्दै आएको जानकारी गराइएको छ ।
अधिवेशनका सहभागीहरूले समुदायस्तरमा संस्थाले खेलेको भूमिकाको प्रशंसा गर्दै आगामी दिनमा कार्यक्रमहरू अझ प्रभावकारी र समन्वयात्मक रूपमा सञ्चालन गर्नुपर्नेमा जोड दिएका थिए । नयाँ कार्यसमितिले सामाजिक उत्तरदायित्वलाई प्राथमिकतामा राख्दै जनजीवनसँग प्रत्यक्ष जोडिएका कार्यक्रमहरूलाई निरन्तरता दिने प्रतिबद्धता व्यक्त गरेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८३ जेष्ठ ८, शुक्रबार १७:३३अमेरिकाविरुद्धको खेलमा नेपालले सहज जित- कला, विचार/मनोरञ्जन२०८३ जेष्ठ ८, शुक्रबार ११:१५चलचित्र ‘कुम्भ’ को रोमान्टिक गीत ‘स्पर्श’ सार्वजनिक
- कला, विचार/मनोरञ्जन२०८३ जेष्ठ ८, शुक्रबार ११:०४चलचित्र पत्रकारिता दिवस मनाइयो, सम्मान तथा पुरस्कार प्रदान गर्दै २७औँ वार्षिकोत्सव सम्पन्न
- समाचार२०८३ जेष्ठ ८, शुक्रबार ०६:२७आजको मौसमःबागमती सहित ६ प्रदेशमा बर्षाको सम्भावना
