धादिङमा १२ हजार मत बदर

धादिङबेशी, २८ फागुन । प्रतिनिधिसभा सदस्य निर्वाचनअन्तर्गत धादिङमा १२ हजार २०० सय मत बदर भएको छ । धादिङको प्रत्यक्ष तर्फ क्षेत्र न १ मा ३ हजार १ सय ७५ र क्षेत्र न २ तर्फ ३ हजार ८ सय ५० मत बदर भएको हो । त्यसैगरी समानुपातिक तर्फ क्षेत्र न १ मा २ हजार ३ सय ५५ र क्षेत्र न २ तर्फ २ हजार ८ सय २० मत बदर भएको हो ।

जिल्ला निर्वाचन कार्यालय धादिङले सबै वडामा स्वयंसेवक परिचालन गरी मतदाता शिक्षा कार्यक्रम सञ्चालन गरे पनि मत बदर हुने क्रम नरोकिएको जनाएको छ । धादिङ क्षेत्र नम्बर १ मा १ लाख ६९ हजार १ सय १८ मत खस्दा ५ हजार ५ सय तिस मत बदर भएको हो । त्यसैगरि क्षेत्र न २ मा १ लाख ४८ हजार २ सय ८ मत खस्दा ६ हजार ६ सय ७० मत बदर भएको हो ।

क्षेत्र नम्बर १ अन्तर्गत प्रत्यक्ष तर्फ एक लाख ३६ हजार ६८६ मतदाता रहेकामा ८४ हजार १६ मत खसेको थियो । त्यसमध्ये ८० हजार ८४१ मत सदर भएको छ । त्यसैगरि समानुपातिक तर्फ एक लाख ३६ हजार ६८६ मतदाता रहेकामा ८५ हजार १ सय २ मत खसेको थियो । त्यसमध्ये ८२ हजार ७४७ मत सदर भएको छ ।

क्षेत्र नम्बर २ अन्तर्गत प्रत्यक्ष तर्फ १ लाख ३८ हजार ५९४ मतदाता रहेकामा ७३ हजार ६ सय १ मत खसेको थियो । त्यसमध्ये ६९ हजार ५७१ मत सदर भएको छ । त्यसैगरि समानुपातिक तर्फ १ लाख ४१ हजार ४१२ मतदाता रहेकामा ७४ हजार ६ सय ७ मत खसेको थियो । त्यसमध्ये ७१ हजार ७८७ मत सदर भएको छ ।

धादिङ जिल्लामा यस पकट प्रतिनिधि सभा सदस्य निर्वाचनमा ५७।२६ प्रतिशत मत खसेको थियो । मतपत्रमा एकभन्दा बढी चिह्न लगाउने, गलत स्थानमा छाप लगाउने जस्ता कारणले मत बदर भएको देखिन्छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।