माइक्रो दुर्घटनामा मृत्यु हुनेको संख्या ७ पुग्यो, मृतक सबै भारतीय नागरिक

काठमाडौँ- गोरखाबाट मनकामना मन्दिर दर्शन गरेर फर्किँदै गरेको विद्युतीय गाडी दुर्घटना हुँदा मृत्यु हुने यात्रुको संख्या ७ पुगेको छ। मृत्यु हुने सातै जना भारतीय नागरिक भएको पुष्टि भएको छ । दुर्घटनामा ८ जना घाइते भएका छन्।

आँबुखैरेनी नजिकै शनिवार राति करिब ८ बजे दुर्घटना भएको हो ।

सहिद लखन गाउँपालिका–३ कान्टारमा बा प्र०१-००६ ख ८४३० नम्बरको इभी माइक्रोबस दुर्घटनामा परेको जिल्ला प्रहरी कार्यालय गोरखाका प्रमुख भरतबहादुर विकले जानकारी दिनुभयो ।

घाइतेहरुको उद्धार गरी आँबुखैरेनी अस्पतालमा उपचारका लागि पठाइएको छ । दुर्घटनाग्रस्त माइक्रोबसमा १३ जना यात्रु सवार रहेको प्रारम्भिक जानकारी प्राप्त उहाँले बताउनुभयो

। घाइते तथा मृतकको पहिचान हुन भने बाँकी रहेको छ ।

सडकबाट करिव २०० मिटर तल माइक्रो खसेको प्रहरीले जनाएको छ। गाडीमा १५ जना सवार थिए। घाइतेमध्ये ७ जनाको आँबुखैरेनीस्थित अस्पतालमा उपचार भइरहेको छ भने एक गम्भीर घाइतेलाई भरतपुर रेफर गरिएको छ।

ओरालो बाटोमा गाडी तातेर ब्रेक फेल भएको हुन सक्ने प्रारम्भिक अनुमान गरिएको छ। घटनाबारे थप विवरण आउन बाँकी रहेको प्रहरीले जनाएको छ ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।