गङ्गाजमुनामा महिलाका लागि ५ दिने उद्घोषण तालिम सुरु

धादिङ,१७ चैत
धादिङको गङ्गाजमुना गाउँपालिका वडा नम्वर ४ मा ५ दिने उद्घोषण तालिम सुरु गरिएको छ। कृषि पर्यटन र पूर्वाधार समृद्ध गङ्गाजमुनाको मूल आधार भन्ने मर्मका साथ महिलाहरूलाई उद्यमशीलतासँग जोड्न उद्घोषण तालिम आयोजना गरिएको हो । गङ्गाजमुना गाउँपालिकाको उद्यम विकास शाखा र वडा नम्बर ४ को आयोजनामा गरिबी निवारणका लागि लघु उद्यम विकास कार्यक्रम अन्तर्गत तालिमको आयोजना गरिएको हो ।
तालिमको उद्घोषण समारोहको सम्बोधन गर्दै गङ्गाजमुना गाउँपालिका वडा नम्बर ३ का वडाध्यक्ष राजकुमार गुरुङले तालिममा सिकेको सीप व्यवहारमा लागू गर्न सके महिलाहरूमा परिवर्तन हुने बताउनुभयो । त्यस्तै कार्यक्रमका अध्यक्ष समेत रहेका गङ्गाजमुना वडा नम्बर ४ का वडाध्यक्ष प्रेम घलेले महिलाहरुको क्षमता अभिवृद्धि गरि आत्मनिर्भर बनाउन यो तालिम आयोजना गरिएको बताउनुभयो ।

गङ्गाजमुना गाउँपालिकाको उद्यम विकास शाखाका प्रमुख खला कुमारी ओलीले महिलाहरूलाई सिप सिकाएर आत्मनिर्भर बनाउनको लागि उद्घोषण तालिमको आयोजना गरिएको बताउनुभएको छ ।मङ्गलबारदेखि सुरु भएको पाँच दिने उद्घोषण तालिम शनिबारसम्म चल्नेछ । तालिमको सहजीकरण पत्रकारद्वय अर्जुन श्रेष्ठ र सन्तोषराज श्रेष्ठले गर्नुभएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।