बुढाथुम स्वास्थ्य चौकीमा बृहत् एकीकृत जनस्वास्थ्य तथा पोषण प्रवद्र्धन अभियान सञ्चालन हुँदै

धादिङ,बैशाख १० गते ।
गंगाजमुना गाउँपालिका–७ स्थित बुढाथुम स्वास्थ्य चौकीमा यही वैशाख १३ र १४ गते बृहत् एकीकृत जनस्वास्थ्य तथा पोषण प्रवद्र्धन अभियान सञ्चालन हुने भएको छ । जनस्वास्थ्य कार्यालय धादिङको आयोजना गंगाजमुना गाउँपालिका धादिङको सहकार्यमा अभियान संचालन हुने भएको हो ।

अभियानअन्तर्गत विभिन्न विशेषज्ञसहितका निःशुल्क स्वास्थ्य सेवाहरू प्रदान गरिने भएको हो ।

अभियानमा आयुर्वेद तथा बैकल्पिक चिकित्सा सेवा, हाडजोर्नी तथा नशारोग विशेषज्ञ, स्त्रीरोग सम्बन्धी विशेष सेवा, पाठेघरको मुखको क्यान्सर पहिचानका लागि VIA जाँच, बालरोग विशेषज्ञ सेवा, विशेषज्ञ चिकित्सकद्धारा आँखाको परिक्षण, उपचार तथा परामर्श सेवा प्रदान गरिने छ ।

साथै प्रमुख नसर्ने रोगहरु पहिचानको लागि स्क्रिनिङ, दन्तरोग विषेशज्ञ सेवा, भिडियो एक्स रे तथा इ सि जि, पोषण नाङ्लो प्रदर्शनी तथा स्वास्थ्य प्रवद्र्धनसम्बन्धी परामर्श, नाक–कान–घाँटी रोगको परीक्षण जनरल सर्जरी सेवा र निःशुल्क स्थायी बन्ध्याकरणसहित परिवार नियोजन शिविर संचालन गरिने आयोजकले जनाएको छ ।

कार्यक्रमको प्राविधिक सहयोग काठमाडौँस्थित KMC शिक्षण अस्पताल, धादिङ अस्पताल, आयुर्वेद तथा वैकल्पिक चिकित्सालय धादिङ र तिलंगा आँखा प्रतिष्ठान धादिङले गर्नेछन् ।

स्थानीय बासिन्दालाई निःशुल्क विशेषज्ञ स्वास्थ्य सेवा उपलब्ध गराउने उद्देश्यले सञ्चालन गरिने यस अभियानबाट विशेषगरी ग्रामीण क्षेत्रका नागरिक प्रत्यक्ष लाभान्वित हुने अपेक्षा गरिएको आयोजकले जनाएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।