प्रदेश सूचना पुनरावेदन समितिको अध्यक्षमा धादिङका कृष्णराज अधिकारी नियुक्त

धादिङबेशी, ११ बैशाख । बागमती प्रदेश सरकारले प्रदेश सूचना पुनरावेदन समितिको अध्यक्षमा धादिङका अधिवक्ता कृष्णराज अधिकारीलाई नियुक्त गरेको छ । बिहीबार बसेको बागमती प्रदेश मन्त्रिपरिषद्कोे बैठकले अधिकारीलाई उक्त पदमा नियुक्त गर्ने निर्णय गरेको हो ।

नवनियुक्त अध्यक्ष अधिकारी लामो समयदेखि कानुनी, सामाजिक तथा शैक्षिक क्षेत्रमा सक्रिय व्यक्तित्वका रूपमा परिचित हुनुहुन्छ । उहाँले नेपाल मानव अधिकार संगठन धादिङका सभापतिको समेत जिम्मेवारी सम्हालीसक्नुभएको छ । अधिकारीले विभिन्न संघ–संस्थामार्फत सामाजिक सेवामा योगदान पु¥याउँदै आउनुभएको छ ।

अधिकारीले शिक्षण पेशामा लामो अनुभव हासिल गर्नु भएको छ भने पछिल्लो समय सञ्चार क्षेत्रमा पनि संलग्न हुनुभएको थियो । बागमती प्रदेश सरकारले उहाँको नियुक्तिसँगै सूचना अधिकारको प्रभावकारी कार्यान्वयन, पारदर्शिता प्रवद्र्धन तथा सुशासन सुदृढीकरणमा टेवा पुग्ने अपेक्षा गरेको छ ।

प्रदेश सरकारका अनुसार सूचना पुनरावेदन समितिको प्रभावकारी नेतृत्वमार्फत नागरिकको सूचनामा पहुँच सुनिश्चित गर्न र सरकारी निकायहरूको जवाफदेहिता बढाउन समिति सक्रिय रूपमा परिचालन हुने विश्वास लिइएको छ ।

नियुक्तिपछि अध्यक्ष अधिकारीले सूचना अधिकारको प्रभावकारी कार्यान्वयन तथा नागरिकलाई सहज रूपमा सूचना उपलब्ध गराउने विषयमा आफू प्रतिबद्ध रहने बताउनुभएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।