नेपालमा भित्रिए पर्यटक मार्चमा १५ हजार, ३३ हजार जनाको आगमन तीन महिनामा
करिब १५ हजार पर्यटक यही मार्च महिनामा नेपाल आएका छन् । मार्च महिनामा अध्यागमन विभागका अनुसार१४ हजार नौ सय ७७ जना पर्यटक नेपाल भित्रिएका छन् । जसमध्ये सबैभन्दा धेरै भारतबाट सात हजार ६ सय ५८ जना नेपाल आएको विभागले जनाएको छ ।
हवाइ मार्गबाट आउने भारतीयलाई सरकारले पर्यटक मान्दै आएको छ भने स्थलमार्गबाट आउने भारतीयलाई पर्यटक मान्दैन ।
त्यसतै अमेरिकाबाट १७ सय तीन जना, चीनबाट १२ सय सात जना, बेलायतबाट ६ सय ६५ जना, जर्मनीबाट दुई सय १३ जना र रुसबाट दुई सय ११ जना पर्यटक नेपाल भित्रिएका छन् ।
सन् २०२१ को तीन महिनामा नेपालमा झण्डै ३३ हजार पर्यटक आएका छन् । जनवरीमा आठ हजार आठ सय र फेब्रुअरीमा नौ हजार एक सय ४६ जना पर्यटक नेपाल आएका थिए ।
यस्तै मार्च महिनाभर हवाइ मार्ग हुँदै ७१ हजार दुई सय ७० जना यात्रु नेपाल आएका छन् । यसमध्ये ५६ हजार दुई सय ९३ जना नेपाली रहेको पनि अध्यागमन विभागले जनाएको छ ।
अन्तिम अपडेट: 2021-April-01 समय 7:02 PM
लेखक
