गुल्मीका भण्डारीः एक वर्षमै विभिन्न पदमा दश ठाउँबाट परीक्षा उतीर्ण

गुल्मी- गुल्मी जिल्लाको धुर्कोट गाउँपालिका वडानम्बर ५ वस्तु निवासी रमेश भण्डारीले लोक सेवा आयोगका दश ठाउँबाट परीक्षा उतीर्ण गर्नु भएको छ । भण्डारीले एक वर्षमा लोक सेवा आयोगले लिएका विभिन्न पदमा दश ठाउँबाट परीक्षा उतीर्ण गर्नुभएको हो ।
जसअनुसार गण्डकी प्रदेश स्थानीय पाचौं तह (प्रशासन+लेखा), संघ नायब सुब्बा प्रशासन समुह, संघ नायब सुब्बा लेखा तथा लेखापरीक्षण समुह, कृषि बिकास बैंक पाचौ तह सहायक, गण्डकी प्रदेश चौथो तह, विद्युत प्राधिकरण पाचौं तह लेखा समुह, नेपाल विद्युत प्राधिकरण चौथो तह उतीर्ण गर्नुभएको छ । त्यस्तै नेपाल टेलिकम छैटौ तह सहायक व्यापार अधिकृत, नेपाल टेलिकम चौथो तह उतीर्ण गर्नुभयो ।
भण्डारीले हालै संघीय शाखा अधिकृत (लेखा समूह) सिफारिस हुनुभएको छ । यी बाहेक भन्सार बिभागले करिब २२ बर्षपछि बिज्ञापन गरेको भन्सार एजेन्टको लाइसेन्सको परिक्षा पनि उतिर्ण गर्नुभएको थियो ।
जसमा ६६० जनाका लागि १० हजार भन्दा बढीको प्रतिस्पर्धा भएको थियो । तर निजामती सेवा प्रवेश गरेपछि लाइसेन्स खारेज गर्नुभएको छ ।
लोक सेवाको तयारी गरेको छोटो समयमै मेहनतले सफलता हात परेकाले खुसी लागेको भण्डारीले बताउनुभयो । खुला तर्फबाट निजामती सेवामा प्रवेश गर्न सकिने माथिल्लो श्रेणीनै राजपत्रांकित तृतीय श्रेणी भएको र त्यसमा आफू छ्नोट हुन पाउदा धेरै खुशी लागेको बताउनुभयो ।
तयारी गरेको छोटो समयमै निजामती सेवा, बैंकिङ सेवा, सार्वजनिक सस्थान, प्रदेश र स्थानिय सेवा समेतमा नाम निकाल्न सफल हुँदै सबै क्षेत्र र तहमा नाम निकाल्ने अनुभव बटुल्ने सौभाग्य मिलेको भण्डारीले बताउनुभयो ।
यो नतिजाले अझै जिम्मेवारी थपिएको र राज्य, राष्ट्र र जनताले चाहेअनुसार सेवा प्रदान तथा भूमिका निर्वाह गर्न निरन्तर प्रयास गर्ने उहाँको भनाइ छ ।
जिल्लाको धुर्कोट गाउँपालिका वडानम्बर ५ वस्तु निवासी रमेश भण्डारी मध्यम वर्गिय किसान परिवारमा जन्मिनु भएको हो । उहाँ सानैदेखि मेहनती हुनुहुन्थ्यो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ मंसिर १४, शनिबार ०८:५२लुम्बिनी र पोखरा तथा सुदूरपश्चिम र जनकपुर भिड्दै
स्वास्थ्य/जानकारी टिप्स२०८२ मंसिर १४, शनिबार ०८:३७३ वर्षमा ३ पटक थपियो म्याद,भवन निर्माण अझै अधुरै
कला, विचार/मनोरञ्जन२०८२ मंसिर १४, शनिबार ०८:०३उद्योग वाणिज्य महासंघ र कलाकारबीच मैत्रीपूर्ण फ़ुटसल
खेलकुद२०८२ मंसिर १४, शनिबार ०७:२१एनपिएलमा आज लुम्बिनी र पोखरा तथा सुदूरपश्चिम र जनकपुर आमनेसामने








