सहकारीसंग सहकार्य गरेर काम गर्न नीलकण्ठ नगरपालिका तयार छः मेयर ढुंगाना

धादिङ,४ मंसिर
सहकारीसंग सहकार्य गरेर काम गर्न नीलकण्ठ नगरपालिका तयार रहेको मेयर भीम प्रसाद ढुंगानाले बताउनु भएकोछ । नीलकण्ठ नगरपालिकाको विकासमा सहकार्य गरेर अघि बढ्नको लागि आफु तयार रहेको भन्दै उहाँले सहकारीलाई नाफा मुलक सँगसँगै सेवामुखी भएर काम गर्नको लागि आग्रह गर्नुभएको छ । सहकारीलाई सामाजिक काममा गर्नको लागि जोड दिनुभयो ।सहकारी शिक्षा र कृषि क्षेत्रको विकासको लागि सहकारी मार्फत आफु काम गर्न तयार रहेको भन्दै सहकारीहरुलाई सहकार्य गर्नको लागि आग्रह गर्नुभयभो । नीलकण्ठ नगरपालिकाले सहकारीलाई आर्थिक सहयोग गर्न तयार रहेको भन्दै उहाँले प्रस्तावना लिएर नगरपालिकामा आउनको लागि सहकारीहरुलाई आग्रह गर्नुभएको छ ।

श्रोत परिचालन बचत तथा ऋण सहकारी सस्था लिमिटेड र हिमाल बचत तथा ऋण सहकारीको संयुक्त साधारण सभालाई सम्बोधन गर्नुहुदै मेयर ढुंगानाले सहकारीमा के के गर्न सकिन्छ सुझाव दिनको लागि सहकारी अयिभन्ताहरुलाई अनुरोध गर्नुभएको छ ।
हिमाल साकोसका अध्यक्ष राजेन्द्र अधिकारीको अध्यक्षतामा सम्पन्न भएको संयुक्त साधारण सभामा नीलकण्ठ नगरपालिकाका मेयर तथा नगरपालिका संघका केन्द्रिय अध्यक्ष भीम प्रसाद ढुंगानाको प्रमुख आतिथ्यता रहेको थियो ।नेफ्स्कुनका बरिस्ठ उपाध्यक्ष चन्द्र प्रसाद ढकालको विशेष आतिथ्यता रहेको कार्यक्रममा सहकारी अभियन्ता, दुवै सहकारीका सन्चालक समितिका पदाधिकारी लगायत कर्मचारीहरुको सहभागिता रहेको थियो । दुई वटै सहकारी आईतबारबाट एकिकरण गरीएको छ ।

सहकारी ऐन २०७४ तथा बागमती प्रदेश सहकारी ऐन २०७६ बमोजिम श्रोत परिचालन बचत तथा ऋण सहकारी सस्था लिमिटेड र हिमाल बचत तथा ऋण सहकारी सस्था लिमिटेड बीच एकिकरण गरीएको हो ।आईतबार विधिवत रुपमा एकिकरण भएको सहकारीले सोमबार(आजबाट) एकिकृत कारोबार शुभारम्भ गरिने कार्यक्रममा जानकारी दिईएको थियो । दुवै सहकारीमा गरी कुल ८ हजार ८ सय ९७ जना शेयर सदस्य रहेका छन् । यसैगरी संस्थाका कुल वासलात ६१ करोड ३४ लाख ३६ हजार ४ सय ५० रहेको छ भने शेयर पुँजी ७ करोड १० लाख १ हजार ३ सय रहेको छ । एकिकरण पश्चात श्रोत परिचालन साकोसको विद्यमान विनियम, कार्यक्षेत्र र दर्ता नम्वर लाई कायम गरी श्रोत परिचालन साकोसको १३ सदस्यीय मौजुदासंचालक समितिमा १ जना सचिव र २ जना संचालक समिति सदस्य हिमाल साकोषको तर्फबाट मिलान गरीएको छ ।

यो पनि पढ्नुहोस् : गण्डकी कोटिहोम महायज्ञले इतिहास रच्ने निश्चित छः माननिय पौडेल

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।