लमहीका एग्रोभेटमा छड्के अनुगमन, म्याद नाघेका बीउबिजन, बिषादी बरामद
दाङ- दाङमा स्थानीय सरकारले एग्रोभेट पसललाइ लक्षित गरेर छड्के बजार अनुगमन गरेको छ । लमही नगरपालिकाले गरेको संयुक्त अनुगमनको क्रममा म्याद नाघेका बीउबिजन र बिषादी प्रशस्त मात्रामा फेला परेको अनुगमन टोलीमा सहभागी देउखुरी उद्योग बाणिज्य संघका अध्यक्ष कमलजंग सिंह ठकुरीले जानकारी दिनुभयो ।
चार वटा एग्रोभेटबाट ७१ हजार ६६ रुपैयाँ बराबरको बीउबिजन, बिषादी, औषधीहरु बरामद गरिएको छ । नगरपालिकाले यसरी बरामद गरेको बीउबिजन, बिषादीहरु खाडल गनेर गाडेर नष्ट गरेको अनुगमन टोलीका संयोजक लक्ष्मी सुवेदीले बताउनु भयो ।
टोलीले बगार बाबा एग्रो भेट सेन्टरबाट तीन हजार सात सय, देउराली एग्रो भेट सेन्टरबाट १२ हजार दुई सय ४५, लाली गुराँस एग्रोभेट सेन्टरबाट १७ हजार ७९०, एस.एस. बिउ बिजन सेन्टरबाट ३७ हजार ३३१ रुपैयाँ गरी जम्मा ७१ हजार ६६ रुपैयाँ बराबरको उत्पादन मिति, उपभोग्य मिति र मुल्य नलेखिका म्याद गुज्रीएका बीबिजन, म्याद गुज्रिएका किटनासक औषधी जफत गरेको थियो ।
अनुगमन टोलीमा कृषि शाखा प्रमुख गंगा चौधरी, कमलराज चौधरी, पशु शाखामा कार्यरत संजय श्रेष्ठ, देउखुरी उद्योग बाणिज्य संघका अध्यक्ष कमलजंग सिंह ठकुरी, वडा प्रहरी कार्यालय लमहीका पूर्णबहादुर श्रेष्ठ लगायतको सहभागीता थियो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८३ बैशाख २५, शुक्रबार १३:१६म भन्दा त्यो पात्र भिन्न हो-अभिनेत्री खड्का- खेलकुद२०८३ बैशाख २५, शुक्रबार १२:३४सर्वोच्चको आजको दैनिक पेशी सूची अरु दिनभन्दा दुई घण्टा ढिलो सार्वजनिक
- कला, विचार/मनोरञ्जन२०८३ बैशाख २५, शुक्रबार ०८:१५लक्षित दर्शक भेट्न मोफसलमा रोल नं. १
- समाचार२०८३ बैशाख २५, शुक्रबार ०६:२२तुइनखोलामा सुख्खा पहिरो, मुग्लिन–नारायणघाट सडक अवरुद्ध
