बागमती प्रदेशमा चार दलबीच सत्ता सहकार्य गर्ने सहमति
बागमती प्रदेशमा चार दलबीच सत्ता सहकार्य गर्ने सहमति भएको छ ।
नेकपा (एमाले), नेकपा माओवादी केन्द्र, नेकपा (एकीकृत समाजवादी) र हाम्रो नेपाली पार्टीबीच प्रदेश सभाको बाँकी समय सहकार्य गर्ने लगायत ५ बुँदे सहमति भएको हो ।
सहमति अनुसार बाँकी कार्यकाल दलहरुबीच आलोपालो गरी प्रदेशको नेतृत्व लिने जनाइएको छ ।
बिहीबार साँझ बसेको बैठकले राजनीतिक स्थायित्व, विकास र सबृद्धि, नागरिकको चाहनालाई आत्मसाथ गर्दै ४ दल मिलेर प्रदेश सरकार निर्माण र सञ्चालन गर्ने निर्णय गरिएको छ ।
केन्द्रमा बनेको सत्ता समिकरणको निर्णय अनुसार प्रदेश सरकारको नेतृत्व कार्यान्वयन गरी सहभागि दलका बीचमा प्रदेश सरकारको नेतृत्वमा सहकार्य गरी अघि बढ्ने चार दलले निर्णय गरेका छन् ।
सरकार सञ्चालनका लागि समिकरणमा आबद्ध दलहरुको प्रतिनिधित्व रहने गरी प्रदेशस्तरीय संयन्त्र निर्माण गरी साझा न्यूनतम नीति तथा कार्यक्रम बनाउने दलहरुबीच सहमति छ ।
त्यस्तै दलहरुको सहमतिका आधारमा मात्र मन्त्रिपरिषदको संख्या निर्धारण र मन्त्रालयको जिम्मेवारी विभाजन गर्ने निर्णय पनि गरेका छन ।
सहमति पत्रमा प्रदेश सभामा प्रतिनिधित्व गर्ने अन्य दललाई पनि समिकरणमा सहभागि हुन अनुरोध गर्ने निर्णय भएको छ ।
सहमति पत्रमा नेकपा एमाले बागमती प्रदेश संसदीय दलका नेता जगन्नाथ थपलिया, माओवादी संसदीय दलका नेता एवं मुख्यमन्त्री शालिकराम जम्कट्टेल, एकीकृत समाजवादीका डा. राजेन्द्रमान श्रेष्ठ र हाम्रो नेपाली पार्टीका दलका नेता शैलेन्द्रमान बज्राचार्यले हस्ताक्षर गरेका छन् ।।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८१ माघ १३, आईतवार २०:४४फागुन १४ देखि तेस्रो माछापुच्छ्रे गाँउपालिका अध्यक्ष कप
समाचार२०८१ माघ ११, शुक्रबार ०६:५३विकास र वातावरण बीच समन्वय गर्न स्थानीय तहसँग गोष्ठी सम्पन्न
समाचार२०८१ माघ २, बुधबार १०:२६विद्याज्योति आधारभुत विद्यालयको स्वर्ण महोत्सव विभिन्न कार्यक्रम गरि सम्पन्न
समाचार२०८१ पुष १९, शुक्रबार २१:४९मुख्यमन्त्रीद्वारा प्रतिष्ठानको आवासीय तथा प्रशासनिक भवनको शिलान्यास
