धादिङ,९ बैशाख
धादिङको ज्वालामुखी गाउँपालिका वडा नम्बर ४ रानाचौतारामा शविनार एक दिने निःशुल्क विशेषज्ञ स्वास्थ्य शिविर सम्पन्न भएको छ ।ज्वालामुखी गाउपालिकामा, रोटरी क्लब अफ नारायणी मिडटाउन, भरतपुर चितवनको सहयोगमा स्वास्थ्य शिविर सम्पन्न भएको छ । शिविरबाट ५०२ जना लाभान्वित भएका छन् ।
शिविरमा छालारोग सम्बन्धी ८० जना,महिला रोग ७५ जना,हाडजोर्नी १७४ जना,दन्त रोग १२० जना र सामान्य चिकित्सा ५२ जनाले सेवा लिएका स्वास्थ्य शाखा प्रमुख सुजन श्रेष्ठले जानकारी दिनुभयो ।वडा नम्बर ४ का वडा अध्यक्ष कृुष्ण बहादुर गुरुङको अध्यक्षतामा सम्पन्न भएको शिविरमा गाउँपालिका अध्यक्ष यमनाथ दनैको प्रमुख आतिथ्यता रहेको थियो । कार्यक्रममा वडा नम्बर ३ वडा अध्यक्ष उमेश श्रेष्ठ,डा. केशबराज भुर्तेल वडा अध्यक्षहरु, स्वास्थ्यकर्मी लगायतको आतिथ्यता रहेको थियो ।
शिविरमा ५ जना विशेषज्ञ डाक्टरबाट सेवा प्रवाह गरीएको थियो । नागरिकहरुलाई स्वास्थ्य सम्बन्धी सेवा दिने उदेश्यले गाउँपालिकाले निशुल्क स्वास्थ्य शिविर सन्चालन गरेको गाउँपालिकाका अध्यक्ष यमनाथ दनैले बताउनुभयो । विगतमा पनि गाउँपालिकाले स्वास्थ्य शिविर सन्चालन गर्दै आईरहेको बताउनुभयो ।नागरिकहरुको स्वास्थ्य प्रति गाउँपालिका सचेत रहेको भन्दै उहाँले गाउँपालिकाले स्वास्थ्य क्षेत्रमा विभिन्न कार्यक्रम सन्चालन गरीरहेको बताउनुभयो ।
आफु नागरिकहरुको सेवक भएको भन्दै नागरिकहरुको अपेक्षा अनुसारनै कामहरु भईरहेको बताउनुभयो ।यसैगरी रोटरी क्लब नारायणी मिडटाउन प्रेसिडेन्ड डा.अर्पणा प्रधानले ज्वालामुखी गाउँपालिकालाई विगतदेखीनै सहयोग गर्दै आईरहेको भन्दै उहाँले आगामी दिनमा पनि सहयोग गर्ने बताउनुभयो ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८१ मंसिर २, आईतवार ०६:२६लायन्स क्लब अफ पोखरा कोरिया रिटर्नीद्वारा बृहत रक्तदान कार्यक्रम सम्पन्न
समाचार२०८१ मंसिर १, शनिबार १८:५९बागलुङ समाज पोखरा बचत तथा ऋण सहकारी संस्था लिमिटेडको बाह्रौँ साधरणसभा सम्पन्न 
समाचार२०८१ कार्तिक २३, शुक्रबार १६:४२जल्पादेवी महिला उद्धार समुहको अध्यक्षमा दुर्गा अधिकारी
समाचार२०८१ कार्तिक ९, शुक्रबार १४:०६चापाकोट स्वास्थ्य चौकीको अत्याधुनिक भवन उद्घाटनसँगै दन्त सेवा सुरु
