पोखरा । संस्कृत युवा मञ्च नेपालद्वारा आयोजित सेतीगण्डकी आरतीको दोस्रो वार्षिकोत्सव कार्यक्रम सम्पन्न भएको छ । २०७९ साल आषाढ २६ गते हरिशयिनी एकादशीका दिनदेखि पोखरा ०९ शान्तिघाटबाट संस्कृत युवा मञ्च नेपालद्वारा सेती गण्डकीको आरती प्रारम्भ गरिएको थियो । यसै उपलक्ष्यमा युवा मञ्चले एक घर एक तुलसी भन्ने नाराका साथ तुलसी बिरुवा वितरण सहित गण्डकीको आरती गरेर वार्षिकोत्सव कार्यक्रम सम्पन्न गर्यो।
![](https://asalkhabar.com/wp-content/uploads/2024/07/messenger_creation_5ce0300b-f7e1-4fb2-a6cc-16bd809d34f71998780287195390490.jpeg)
पोखरा ९ शान्तिघाट आरती स्थलमा पोखरा महानगरपालिका वडा नं ९ का वडासदस्य लक्ष्मी पहारीको विशेष आतिथ्यमा सम्पन्न भयो । विशेष अतिथिको मन्तव्य राख्दै पहारीले संकृत युवा मञ्चले धर्म, संस्कार र संस्कृतिको संरक्षण एवं सम्बर्द्धनका निम्ति गरेको उदाहरणीय काम प्रति आफू निकै हर्षित भएको भन्दै यस्ता कार्यका लागि सधै साथ र सहयोग रहने दृढता समेत व्यक्त गर्नुभयो । उहाँले सेतीगणडकी दिव्य महाआरतीका लागि वडा नं ९ नै रोजेकोमा आफूलाई गर्व लागेको कुरा बताउनुभयो । कार्यक्रममा आफ्नो मन्तव्य राख्नुहुँदै सल्लाहकार एवं विन्दुवासिनी संस्कृत विद्यापीठका सहप्राध्यापक डां. भोलानारायण रेग्मीले संस्कृत युवामञ्च नेपालले पूर्वीय सभ्यताको संरक्षणका लागि गण्डकी आरती गरेकोमा खुसी व्यक्त गर्नुभयो । हाम्रो मौलिक संस्कृतिमाथि चारैतिरबाट अतिक्रमण गर्ने कार्य बढिरहेका बेला यस्ता सह्रानीय कार्य गर्दै आएको भन्दै संस्थाको प्रसंशा गर्दै यसरीनै अझै राम्रा एवं बौद्धिक कामहरूको अपेक्षा राख्दै उहाँले संस्थाको उज्वल भविष्यको कामना समेत गर्नुभयो ।
![](https://asalkhabar.com/wp-content/uploads/2024/07/messenger_creation_6cc80ef2-f812-431c-80c0-52a1d9044f3e5989555564998565388.jpeg)
संस्थाका अध्यक्ष विस्वराज सापकोटाको अध्यक्षतामा सम्पन्न कार्यक्रममा संस्थाका सचिव दिवाकर पौडेलले कार्यक्रम संचालन तथा संस्थाका उपाध्यक्ष महेन्द्र पौडेलले स्वागत मन्तव्य रख्नुभएको थियो । कार्यक्रममा निवर्तमान अध्यक्ष रामकृष्ण अर्याल , संस्थापक अध्यक्ष राम प्रसाद सिग्देल , सल्लाहकार गिरिधर आचार्य लगायतका व्यक्तिहरूले सेती गण्डकीको महिमा बारे बोल्नुभएको थियो भने कथा व्यास नेपालका केन्द्रीय सदस्य गोकर्ण बरालले हरिशयिनी एकादशीको महिमा बारे प्रकाश पार्नुभएको थियो । उक्त कार्यक्रममा युवा पण्डित गुरुहरु क्रमस: अर्जुन पौडेल , विकाश पौडेल र शिव पौडेलले सेती गण्डकीको आरती गरेको संस्थाका कोषाध्यक्ष भवानी शंकर शर्माले जानकारी गराउनुभयो ।
![](https://asalkhabar.com/wp-content/uploads/2024/07/messenger_creation_9b0837b5-8be3-433b-addc-680efb99fe4a5531676934371009746.jpeg)
लेखकको बारेमा
लेखकसँग सम्बन्धित खबरहरु
समाचार२०८१ भाद्र १३, बिहीबार १७:३६ग्लोबल आइएमई बैंक र एमएडब्लु वृद्धि मोटर्स तथा एमएडब्लु वृद्धि अटोकर्प बिच विद्युतीय सवारी कर्जा प्रवाहसम्बन्धी सम्झौता
समाचार२०८१ श्रावण २४, बिहीबार १४:३०ग्लोबल आइएमई बैंकका ग्राहकलाई ल्याण्डमार्क होटल एण्ड रिर्सोटमा १५ प्रतिशत छुट
समाचार२०८१ श्रावण २२, मंगलवार १८:०७ग्लोबल आइएमई बैंक, आइएमई र जाल्टान बिच त्रिपक्षीय समझदारी, जापान जाने विद्यार्थीले सहजै शैक्षिक कर्जा पाउने
समाचार२०८१ श्रावण १७, बिहीबार १९:२४ग्लोबलआइएमई बैंक र गल्फ एक्सचेन्जबिच सम्झौता, गल्फ एक्सचेन्जको रेमिटेन्स एपबाट ग्लोबल रेमिट मार्फत सहजै नेपालमा पैसा पठाउन सकिने