न्यु किबो बोर्डिङ स्कुलमा विधालयस्तरीय चुनावको नतिजा सार्वजनिक
धादिङ,११ जेठ
न्यु किबो बोर्डिङ स्कुलमा आयोजित २०८२ सालको विद्यार्थीस्तरीय चुनावको नतिजा आज औपचारिक रूपमा सार्वजनिक गरिएको छ। गत शुक्रबार सम्पन्न चुनावमा कुल ४८३ मत खसेका थिए, जसमध्ये ४ मत बदर भई ४७९ मत सदर भएको अतिरिक्त क्रियाकलाप संयोजक अनुप भट्टले जानकारी दिए। कक्षा ९ मा अध्ययनरत रातो सदनका अभि भट्ट १४८ मत प्राप्त गर्दै स्कुल क्याप्टेन पदमा निर्वाचित भए। उक्त पदका अन्य उम्मेदवारहरूमध्ये हरियो सदनका विश्वास अधिकारीले १४०, निलो सदनका राजिव कोइरालाले १०७, र पहेँलो सदनका कुशल सापकोटाले ८८ मत प्राप्त गरेका थिए।
यसैगरी, स्कुल भाइस क्याप्टेन पदमा कक्षा ८ मा अध्ययनरत पहेँलो सदनका जेनिक राना मगर २२१ मत प्राप्त गर्दै विजयी भए। उनका प्रतिस्पर्धीहरूमा निलो सदनका निरज रिजालले १३३, हरियो सदनका मनिष श्रेष्ठले ६९ र रातो सदनका अनुराज श्रेष्ठले ५६ मत प्राप्त गरे।
सदनस्तरीय नतिजा अनुसार, रातो सदनबाट कक्षा ९ का आक्रीश बि.क. ७६ मतसहित सदन नायक पदमा विजयी भए भने कक्षा ७ का वैभव अधिकारी ५७ मतसहित सदन उप-नायक पदमा चयन भए। हरियो सदनबाट कक्षा ९ की समिपा अधिकारी ३६ मतसहित सदन नायक र कक्षा ७ का लोमस तामाङ ६० मतसहित सदन उप-नायक पदमा निर्वाचित भए। त्यस्तै, पहेँलो सदनतर्फ कक्षा ८ का अडिट सेन्चुरी ४० मतसहित सदन नायक र कक्षा ७ का अभिमन्यु कंडेल ३४ मतसहित सदन उप-नायक बने। निलो सदनबाट कक्षा ८ का असिम बानिया ४१ मतसहित सदन नायक र कक्षा ७ की सृष्टी घले ४७ मतसहित सदन उप-नायक पदमा विजयी भए।
विद्यालयका प्रीन्सिपल प्रयास रेग्मीले विद्यालयले विद्यार्थीहरूलाई केवल किताबी ज्ञानमा मात्र सीमित नराखी, व्यवहारिक, जीवन उपयोगी तथा प्रयोगात्मक शिक्षामा जोड दिँदै विभिन्न क्रियाकलापहरू सञ्चालन गर्दै आएको जानकारी दिए। यस किसिमको चुनावले विद्यार्थीहरूमा नेतृत्व क्षमता, जिम्मेवारीको भावना र लोकतान्त्रिक मूल्य अभिवृद्धि गर्न सहयोग पुग्ने विश्वास उनले व्यक्त गरे।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ जेष्ठ १८, शनिबार ०९:४७पूर्वराष्ट्रपति भण्डारी उच्च राजनीतिक भेटवार्तामा व्यस्त- कला, विचार/मनोरञ्जन२०८२ जेष्ठ १८, शनिबार ०९:०१अस्ट्रेलियामा ‘महाभोज’को प्रिमियर हुने
समाचार२०८२ जेष्ठ १८, शनिबार ०७:०८चिल्ड्रेनपार्कमा अन्तर सदनात्मक हिज्जे प्रतियोगिता सम्पन्न,राष्ट्रपति रनिङ शिल्डमा सहभागी हुने विद्यार्थीलाई विदाई- समाचार२०८२ जेष्ठ १७, शुक्रबार २१:२९कोटीहोममा देवी प्रतिभाको भव्य बिदाई, हजारौँ भक्तजन भावविह्वल
