विपक्षीहरुको अबरोधका कारण प्रतिनिधि सभाको बैठक आज पनि अबरुद्ध

काठमाडौँ- प्रतिनिधि सभाको आजको बैठक पनि स्थगित भएको छ। विपक्षी दलहरुले विरोध जारी राखेपछि बैठक भोलिसम्मका लागि स्थगित भएको घोषणा सभामुख देवराज घिमिरेले गर्नुभएको हो ।

आज पटक पटक समय सारेर करिव ५ बजेर ३० मिनेट जाँदा बैठक सुरु भएको थियो ।

बैठक सुरु हुनासाथ विपक्षी दलहरुले उठेर विरोध जनाएका थिए ।

सभामुख घिमिरेले पटक पटक बैठक सुचारु गर्न आग्रह गरेपनि नमानेपछि बैठक भोलिसम्मका लागि स्थगित भएको हो । आज सत्ता पक्षका सांसदहरुले पनि उठेर बैठक संचालन गर्न आग्रह गर्नुभएको थियो ।

समसामयिक र बजेट माथि छलफल गर्न नपाइएको भन्दै संसदलाई बन्धक बनाउन नपाउने तर्क सत्ता पक्षीय सांसदहरुको थियो ।।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।