न्यु किबो बोर्डिङमा विद्यार्थीहरू दुवोको माला बनाउँदै
धादिङ,२३ जेठ ।
न्यु किबो बोर्डिङ स्कुलले कक्षा १ देखि ९ सम्मका विद्यार्थीहरूलाई समेट्दै शुक्रबार विशेष अतिरिक्त क्रियाकलाप सम्पन्न गरेको छ। विद्यालयका अतिरिक्त क्रियाकलाप संयोजक अनुप भट्टका अनुसार कार्यक्रमले विद्यार्थीहरूमा सिर्जनात्मकता र व्यावहारिक सीप विकासमा टेवा पु¥याउने उद्देश्य राखिएको थियो।
कार्यक्रम अन्तर्गत कक्षा १ देखि ६ र कक्षा ८ का विद्यार्थीहरूबीच नेपाली हस्तलेखन प्रतियोगिता सञ्चालन गरियो। कक्षा ७ का विद्यार्थीहरूले दुबोको माला बनाउने सीप सिक्ने कार्यक्रममा सहभागी भए भने कक्षा ९ का विद्यार्थीहरूलाई हस्तलेखनका साथै नीलकण्ठ नगरपालिकाद्वारा आयोजित “प्रेजेन्टेसन प्रतियोगिता“ मा समावेश गरिएको थियो।
उक्त प्रेजेन्टेसन प्रतियोगितामा न्यु किबो बोर्डिङ स्कुलका कक्षा ९ मा अध्ययनरत छात्र कुशल सापकोटा द्वितीय स्थान हासिल गर्न सफल भएका छन्। संयोजक भट्टले उक्त उपलब्धिलाई विद्यालयका लागि गर्वको विषय भएको बताउनुभयो।
विद्यालयका प्रिन्सिपल प्रयास रेग्मीले हालको शैक्षिक प्रवृत्तिमा प्रयोगात्मक र जीवनोपयोगी शिक्षा अत्यावश्यक भएकाले न्यु किबो बोर्डिङ स्कुलले सधैं यस्ता अतिरिक्त क्रियाकलापहरूलाई प्राथमिकतामा राख्दै आएको स्पष्ट पार्नुभयो।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ जेष्ठ १, शुक्रबार १५:३३चलचित्र ‘सिन्दुरे जात्रा’को छायांकन सुरु- समाचार२०८३ जेष्ठ १, शुक्रबार ०९:५१पाथीभराको भेटी एक करोड छ लाख रुपैयाँ
- समाचार२०८३ जेष्ठ १, शुक्रबार ०८:१४धादिङबेशीमा हानबीको शाखा खुल्यो, जापान अध्ययनका लागि भाषा तथा परामर्श सेवा प्रदान गरिने
- खेलकुद२०८३ जेष्ठ १, शुक्रबार ०६:४८मुम्बई इन्डियन्ससँग पञ्जाव किङ्ग्स पराजीत
