शहीद मेमोरियल अस्पताल धादिङको साधारणसभा सम्पन्न,अध्यक्षमा पुनः श्रेष्ठ निर्वाचित

धादिङबेशी, २३ कात्तिक। शहीद मेमोरियल अस्पताल धादिङ प्रा.लि.को १९ औँ बार्षिक साधारण सभा तथा शहीद मेमोरियल प्राबिधिक शिक्षालय १३ औं बार्षिक साधारण सभा सम्पन्न भएको छ ।
शनिबार नेपाल नगरपालिका महासंघका अध्यक्ष तथा नीलकण्ठ नगरपालिकाका प्रमुख भीम प्रसाद ढुंगानाको प्रमुख आतिथ्यता तथा बागमती प्रदेशका पुर्व सांसद डा.रामकुमार अधिकारीको बिशेष आतिथ्यतामा साधारणसभा सम्पन्न भएको हो ।

साधारण सभामा आयुर्वेद तथा बैकल्पिक चिकित्सालय धादिङका प्रमुख अमुल्य दाहाल,सामुदायीक आँखा केन्द्र धादिङका प्रमुख सुपेन्द्र ताम्राकार,मानव अधिकार संगठन धादिङका अध्यक्ष कृष्णराज अधिकारी,नेपाल रेडक्रस सोसाईटी धादिङ शाखाका मन्त्री नेम बहादुर श्रेष्ठ,अस्पतालका संस्थापक अध्यक्ष बिनोदमान श्रेष्ठ लगाएतको आतिथ्यता रहेको थियो ।

साधारण सभाको उद्घाटन सत्रलाई सम्बोधन गर्दै प्रमुख अतिथि समेत रहनुभएका नीलकण्ठ नगरपालिकाका प्रमुख भीम प्रसाद ढुंगानाले नाफामुलक र सेवामुलक दुवै उदेश्य बोकेको संस्थाले सेवामुलक कार्य मात्र गर्नु प्रशंसनीय कार्य भएको भन्दै अस्पतालको बिकासमा आफुले संघाएर जाने बताउनु भयो । उहाँले गुणस्तरीय स्वास्थ्य सेवा प्रवाह गरि शहीद मेमोरिलय अस्पतालले धादिङबसीको मन जित्नुपर्ने धारणा राख्नुभएको थियो ।

साधारण सभामा सचिव बालकृष्ण नेपाली द्धारा प्रस्तत प्रगती तथा प्रस्तावित कार्यक्रम,कोषाध्यक्ष बद्री अधिकारीले प्रस्तुत आर्थिक प्रतिवेदन र प्रवन्धपत्र तथा नियमवली संसोधनको कार्यक्रम सर्वसहमत पास गरिएको छ । कम्पनीले साधारण सभाको अवसर पारेर अस्पतालले संस्थापक अध्यक्ष बिनोदमान श्रेष्ठ र उत्कृष्ट कर्मचारी देवनारायण श्रेष्ठलाई सम्मान गरेको थियो ।

धादिङ जिल्लामा नै पहिलो पटक ५० शैयाको अनुमती प्राप्त शहीद मेमोरियल अस्पताल धादिङ प्रा. लि.को १९ औँ बार्षिक साधारण सभाबाट नयाँ संचालक समति समेत चयन गरेको छ । साधारण सभाले पुनः बिष्णुलाल श्रेष्ठको अध्यक्षतामा ७ सदस्यीय नयाँ संचालक समिति चयन गरेको हो । समितिको उपाध्यक्षमा कृष्ण बहादुर पौडेल,सचिवमा बद्री अधिकारी,कोषाध्यक्षमा रामचन्द्र गिरी चयन भएका छन् । त्यसैगरी सदस्यहरुमा शोभा छत्कुली,हरि बहादुर दनै र बिनोद ढकाल रहेका छन् ।

त्यसैगरी शहीद मेमोरियल प्राविधिक शिक्षालयको १३ औँ बार्षिक साधारणसभाबाट बालकृष्ण नेपालीको अध्यक्षतामा ५ सदस्यीय नयाँ संचालक समिति समेत चयन गरेको छ । जसको उपाध्यक्षमा खिल बहादुर धमला,सचिवमा कृष्ण प्रसाद ढकाल शिशिर, कोषाध्यक्षमा कृष्ण प्रसाद सिलवाल र सदस्यमा महेश रिजाल रहेका छन् ।

त्यसैगरी साधारणसभाले रामहरी अधिकारीको अध्यक्षतामा ३ सदस्यीय लेखा सुपरिवेक्षण समिति समेत चयन गरेको छ । जसको सदस्यहरुमा सुनमाया श्रेष्ठ र गोकर्ण घिमिरे रहेका छन् । साधारणसभामा उपस्थित शेयर सदस्यहरुले गुणस्तरीय सेवा प्रदानमा जोड दिन संचालक समितिलाई आग्रह गरेका थिए ।

नयाँ ब्यवस्थापनले जिम्मा लिई बिचबजारबाट अस्पताल संचालनमा ल्याएपछि धादिङका नागरिकहरुले केही हदसम्म छिटो र सहज तवरले स्वास्थ्य सेवा लिन पाएका छन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।