तिलगंगा सर्जिकल आँखा केन्द्र धादिङको सामाजिक परिक्षण कार्यक्रम सम्पन्न

धादिङ,११ मंसिर
तिलगंगा सर्जिकल आँखा केन्द्र धादिङको सामाजिक परिक्षण कार्यक्रम सम्पन्न भएको छ । बिहीबार आँखा केन्द्र धादिङका व्यवस्थापन समिति अध्यक्ष नवराज अधिकारीको अध्यक्षतामा सामाजिक परिक्षण कार्यक्रम सम्पन्न भएको हो ।कार्यक्रममा केन्द्रको स्थापनाकाल देखि वर्तमान अवस्था, सेवा प्रवाह लगायतका विषयमा आँखा केन्द्र धादिङका प्रमुख सुपेन्द्र ताम्राकारले जानकारी गराउनु भएको थियो । कार्यक्रममा सहभागी सेवाग्राही तथा महिला स्वास्थ्य स्वयंसेविका सावित्रा कोईरालाले आँखा संवेदनशील अंग भएको उल्लेख गर्दै सामान्य नागरिकले पनि आँखा केन्द्र धादिङबाट सहज र सहजै पहुँचयोग्य सेवा पाउन थालेको देख्दा खुशी लागेको बताउनुभयो ।

साथै आफुहरुलाई तिलगंगा सर्जिकल आँखा केन्द्र धादिङले विभिन्न तालिमहरु संचालन गरेकोले समुदायमा सेवा प्रदान गर्न अझ सहज भएको बताउनुभयो ।यसैगरी, व्यवस्थापन समिति अध्यक्ष अधिकारीले सेवा गुणवत्तामा निरन्तर सुधार भइरहेको उल्लेख गर्दै भवन अभावका कारण केही चुनौती रहे पनि भवन निर्माण पछि सेवा विस्तार झनै प्रभावकारी हुने बताउनुभयो ।आँखा केन्द्र धादिङले धादिङका विभिन्न स्थानमा निःशुल्क आखा शिविर सञ्चालन गरी जटिल प्रकृतिको उपचार, मोतिबिन्दु, आँखामा मासु पलाउने रोगका बिरामीको शल्यक्रियाद्वारा उपचार सेवा दिदैं आईरहेको छ । केन्द्रले महिला सामुदायिक स्वास्थ्य स्वयंसेविका, शिक्षक, विद्यालयका नर्सहरु लगायतलाई प्राथमिक आँखा उपचार तालिम समेत प्रदान गरेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।