ज्वालामुखी गाउँपालिकाको वडा नम्बर ५ लाई ‘नमुना, सफा र स्वच्छ गाउँ’ घोषणा

धादिङ, मङ्सिर १४ गते ।
धादिङको ज्वालामुखी गाउँपालिकाले वडा नम्बर ५ लाई ‘नमुना, सफा र स्वच्छ गाउँ’ घोषणा गरेको छ । ‘मिसन २०८२ः सफा र स्वच्छ क्षेत्र, ज्वालामुखी’ भन्ने मूल नारासहित सञ्चालन भइरहेको सरसफाइ अभियानअन्तर्गत उक्त वडालाई चौथो नमुना वडाको रूपमा घोषणा गरिएको हो ।
गाउँपालिकाले २०८२ सालभित्र सम्पूर्ण पालिकालाई नै नमुना, सफा र स्वच्छ गाउँ घोषणा गर्ने लक्ष्यका साथ अभियान अघि बढाइरहेको छ। यसअघि तीनवटा वडालाइ लाई नमुना, सफा र स्वच्छ गाउँको रूपमा घोषणा गरिसकिएको गाउँपालिकाले जनाएको छ।
नागरिक स्वस्थ भए मात्र गाउँको विकासको सम्भावना रहेको भन्दै स्वस्थ हुन सफा र स्वच्छ गाउँ बनाउने अभियानमा लागेको गाउपालिकाका अध्यक्ष यामनाथ दनैले बताउनु भयो । “अस्पताल निर्माण गर्नु भन्दा नागरिकलाई अस्पताल जानुपर्ने अवस्था नै न्यून पार्ने उद्देश्यले हामी स्वस्थ समुदाय निर्माणमा केन्द्रित भएका छौँ,” अध्यक्ष दनैलले बताउनुभयो ।
गाउँपालिकाका उपाध्यक्ष धर्मबहादुर अर्यालले पालिकाभरि सबै वडालाई सफा र स्वच्छ बनाउने लक्ष्य द्रुत गतिमा अघि बढिरहेको बताउनुभयो।
गाउँपालिकाले चर्पीको समुचित प्रयोग, व्यक्तिगत सरसफाइ, सुरक्षित पानी, सुरक्षित खाना र भान्सा र घर आगन सफा गरी ५ व्यवहार परिवर्तन र १५ सुचक बनाएर अघि बढेको छ ।
अहिले गाउँभित्र रहेका ६ हजार ७९ घरधुरी मध्य ७४.३३ प्रतिशत अर्थात् ४५ सय १९ घरमा सबै सुचक पूरा भएको छ । २५.६६ प्रतिसत अर्थात् १५ सय ६० घरमा सुचक पूरा गर्ने चरणमा रहेको ज्वालामुखी गाउँपालिकाका स्वास्थ्य शाखा प्रमुख सुजन श्रेष्ठले बताउनुभयो। कम्तिमा चार पटकको अनुगमनमा सबै सुचक पूरा भएपछि मात्र पुर्ण मानिने गरी अनुगमन गरेको र घोषणा गरेको बताइएको छ ।
२०८२ भित्र ज्वालामुखी गाउँपालिकालाई नै ‘नमुना, सफा र स्वच्छ पालिका’ घोषणा गरेर नमुना गाउँपालिका बनाउने लक्ष्य राखेको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८२ मंसिर १५, आईतवार १७:३४एनपिएलः कर्णालीद्वारा काठमाडौँलाई १५० रनको लक्ष्य
समाचार२०८२ मंसिर १५, आईतवार १७:१०कर्णाली याक्सले दियो काठमाडौँलाई १५० रनको लक्ष्य
कला, विचार/मनोरञ्जन२०८२ मंसिर १५, आईतवार १६:२७चलचित्र ‘लोकन्ती’ को रोमान्टिक गीत सार्वजनिक
स्वास्थ्य/जानकारी टिप्स२०८२ मंसिर १५, आईतवार १४:११७७ प्रतिशत एचआइभी सङ्क्रमित मात्रै उपचारको दायरामा








