धादिङ बचत तथा ऋण सहकारी संघको अध्यक्षमा सिता दुवाडी खनाल निर्वाचित

धादिङबेशी,१९ पौष । धादिङ बचत तथा ऋण सहकारी संघ लि.को २१ औँ बार्षिक साधारण सभा सम्पन्न भएको छ । साधारण सभाले संघको अध्यक्षमा सिता दुवाडी खनाललाई निर्वीरोध अध्यक्षमा निर्वाचित गरेको छ । यस अघि खनाल कार्यबहाक अध्यक्षको जिम्मेवारीमा रहनु भएको थियो ।

आज निर्वाचित संचालक समितिको उपाध्यक्षमा तुलसी प्र. अधिकारी, सचिवमा शान्त बिक्रम बानिया, कोषाध्यक्षमा राज कुमार श्रेष्ठ चयन हुनुभएको छ त्यसैगरी सदस्यहरुमा कृष्ण प्र. सिलवाल,रामहरि बराकोटी, खिल कुमारी पोखरेल तिवारी, नबिन कुमार श्रेष्ठ र उर्मिला रेग्गी चयन हुनु भएको छ ।

त्यसै गरी साधारण सभाले चमेली बगालेको अध्यक्षतामा ३ सदस्यीय लेखा सुपरिवेक्षण समिति समेत चयन गरेको छ । लेखा सुपरिवेक्षण समितिका सदस्यहरुमा बलराम खत्रि र राजाराम पाठक चयन हुनुभएको छ ।

साधारणसभा वागमती प्रोस्कूनको सञ्चालक समिति सदस्य तथा संघका निवर्तमान अध्यक्ष नवराज शर्मा र वागमती प्रदेश सहकारी संघका महासचिव नेत्रराज पौडेलको विशेष उपस्थितिमा सम्पन्न भएको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।