मनहरी गाउँपालिकाद्वारा विद्यार्थीलाई साइकल वितरण
![मनहरी गाउँपालिकाद्वारा विद्यार्थीलाई साइकल वितरण मनहरी गाउँपालिकाद्वारा विद्यार्थीलाई साइकल वितरण](https://nepaltvonline.com/wp-content/uploads/2023/10/१-सय-१५-विद्यार्थीलाई-साइकल-वितरण.jpg)
मकवानपुर- मकवानपुरको मनहरी गाउँपालिका वडा नम्बर ४ स्थित पशुपतिनाथ माध्यामिक विद्यालयका १ सय १५ जना विद्यार्थीलाई साइकल वितरण गरिएको छ ।
४ नम्बर वडा कार्यालयको ९ लाख ५० हजार आर्थिक सहयोगमा कक्षा ६ देखि १० सम्म अध्ययनरत १ सय १५ छात्र–छात्रालाई साइकल वितरण गरिएको हो ।
बागमती प्रदेशकी सामाजिक विकासमन्त्री कुमारी मोक्तानको प्रमुख आतिथ्यतामा घरदेखि स्कुल सम्मको भौगोलिक दूरी टाढा रहेका विद्यार्थीलाई साईकल वितरण गरिएको हो ।
साईकल हस्तान्तरण कार्यक्रममा बोल्दै प्रमुख अतिथि मोक्तानले शैक्षिक सुधारमा वडाले गरेको कार्यको प्रशंसा गर्नुभयो । निर्माणका कार्यलाई मात्रै विकास सोच्ने मानसिकता अब बदल्नुपर्ने आवश्यकता उहाँले औंल्याउनुभयो ।
मन्त्री मोक्ताले स्थानीय सरकारले विकास निर्माणसँगै शैक्षिक गुणस्तर सुधारमा लाग्न आवश्यक रहेको बताउनुभयो । प्रदेश भित्रका सामुदायिक विद्यालयको भौतिक संरचना पहिलेको भन्दा राम्रो भएकोले अब शैक्षिकस्तर सुधारमा लाग्नुपर्ने बताउनुभयो ।
विद्यालयका प्रधानाध्यापक भानुभक्त आचार्यले साईकल प्राप्त भएपछि भौगोलिक हिसाबले टाढा रहेका विद्यार्थीलाई समयमै स्कुल आउन र घर जान सहज हुने विश्वास व्यक्त गर्नुभयो । नियमित साईकल चलाउदा विद्यार्थीमा स्फूर्ती समेत आउने प्रधानाध्यापक आचार्यको भनाई छ ।
विद्यालय निरन्तरताका लागि विद्यार्थीलाई साइकल वितरण गरिएको वडा नम्बर ४ का वडा अध्यक्ष प्रकाश थापाले बताउनुभयो ।
४ नम्बर वडामा साईकल लगायत अन्य सवारी साधन गुडाउन सहज हुनेगरि सडक निर्माण तथा मर्मत कार्यपनि संगसंगै लैजाने उहाँको प्रतिबद्धता छ । करीब नौ दश किलोमिटर दूरीबाट विद्यार्थी पैदल विद्यालय आउन बाध्य थिए ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८१ माघ २, बुधबार १०:२६विद्याज्योति आधारभुत विद्यालयको स्वर्ण महोत्सव विभिन्न कार्यक्रम गरि सम्पन्न
समाचार२०८१ पुष १९, शुक्रबार २१:४९मुख्यमन्त्रीद्वारा प्रतिष्ठानको आवासीय तथा प्रशासनिक भवनको शिलान्यास
समाचार२०८१ पुष १७, बुधबार २०:३५संस्कृत युवा मञ्चको सातौं वार्षिक साधारण सभा सम्पन्न
समाचार२०८१ पुष १०, बुधबार १९:२०पशुपतिनाथ मन्दिर पोखरामा सिग्देल