विवाद भएपछि एनआरएनएको समापन समारोहमा प्रधानमन्त्री सहभागी नहुने

काठमाण्डौँ,३ कात्तिक
प्रधानमन्त्री पुष्पकमल दाहाल प्रचण्ड गैरआवासीय नेपाली सङ्घ (एनआरएनए)को ११ औँ विश्वसम्मेलनको समापन समारोहमा सहभागी नहुने हुनुभएको छ । एनआरएनएको निर्वाचनमा धाँधली भएको भन्दै एक पक्षले निर्वाचनको निर्णय अस्वीकार गरेपछि प्रधानमन्त्री प्रचण्ड समापन समारोहमा सहभागी नहुने हुनुभएको हो ।

प्रधानमन्त्रीका प्रेस संयोजक सूर्यकिरण शर्माले पूर्वनिर्धारित कार्यक्रम भएपनि एनआरएनएभित्रको पछिल्लो विवादका कारण प्रधानमन्त्री नजाने निश्चित भएको जानकारी दिनुभयो । असोज ३० गते राष्ट्रपति रामचन्द्र पौडेलले उद्घाटन गरेको विश्व सम्मेलनको समापन प्रधानमन्त्रीले गर्नेगरी एनआरएनएले कार्यतालिका बनाएको थियो ।

गएराति सार्वजनिक नतिजाअनुसार बद्री केसी दोस्रो कार्यकालका लागि अध्यक्षमा निर्वाचित हुनुभएको थियो भने । नतिजालगत्तै धाँधली भएको भन्दै पराजित उम्मेदवारको पक्षमा समर्थकले निरन्तर नाराबाजी गर्दै आएका छन् ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।