श्रोत परिचालन साकोसद्धारा बाल बचतकर्ताहरुलाई स्टेशनरी वितरण

धादिङ, १२ कात्तिक
श्रोत परिचालन बचत तथा ऋण सहकारी संस्था लिमिटेडले बाल बचतकर्ताहरूलाई स्टेशनरी वितरण गरेको छ । साकोसको २७ औ स्थापना दिवसको अवसर पारेर संस्थाको मुख्य कार्यालय धादिङबेशी, कैलाश सदस्य सेवा केन्द्र गल्छि र सल्यानटार सदस्य सेवा केन्द्रबाट बाल बचतकर्ताहरूलाई स्टेशनरी वितरण गरेको हो ।

आईतबार एक कार्यक्रमका बिच संस्थाका अध्यक्ष रुद्र बहादुर खत्रीले सम्पुर्ण सदस्यहरुमा संस्थाको तर्फबाट स्थापना दिवसको शुभकामना व्यक्त गर्नुभएको थियो । उहाँले संस्थाको तेस्रो रणनीतिक योजना अनुसारको लक्ष्य प्राप्तिमा संचालक समिति प्रतिबद्ध रहेका भन्दै उक्त लक्ष्य प्राप्तिमा लाग्न सबैलाई आग्रह गर्नुभयो ।

श्रोत परिचालन साकोसले आजदेखि कात्तिक १७ गतेसम्म (शनिबार समेत वितरण कार्य तथा कार्यालय संचालन हुने ) बाल बचतकर्ताहरुलाई स्टेशनरी सामग्री वितरण गर्ने जनाएको छ ।

बाल बचतकर्ता स्वयम् वा सम्बन्धित अविभावक बालबचतको पासवुक सहित आएर स्टेशनरी सामग्री संस्थाको मुख्य कार्यालय धादिङबेशी, कैलाश सदस्य सेवा केन्द्र गल्छि र सल्यानटार सदस्य सेवा केन्द्रबाट स्टेस्नरी लिनको लागि सम्पूर्ण बाल बचतकर्ता एवं अविभावक सदस्यहरुलाई साकोसले अनुरोध गरेकोे छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।