Home परदेश इजराइलद्वारा गाजास्थित शरणार्थी शिविरमा भीषण आक्रमण, हमासका बरिष्ठ कमाण्डरसहित ५० जनाको मृत्यु

परदेश

इजराइलद्वारा गाजास्थित शरणार्थी शिविरमा भीषण आक्रमण, हमासका बरिष्ठ कमाण्डरसहित ५० जनाको मृत्यु

२०८० कार्तिक १५, बुधबार ०७:१८

इजराइली सेनाले गाजाको जबालिया शरणार्थी शिविरमा आक्रमण गरेको पुष्टि गरेको छ । जेट विमानबाट गरिएको सो आक्रमणबाट हमासका एक वरिष्ठ कमाण्डर मारिनुका साथै हमासको भूमिगत पूर्वाधारमा ठूलो क्षति पुगेको बताइएको छ ।

शिविरमा भएको आक्रमणमा ५० जना मारिएको हमासद्धारा संचालित स्वास्थ्य मन्त्रालय र अस्पतालका निर्देशकले जनाएका छन् ।

घटनास्थलका तस्वीरहरुले घरहरु भएको ठाउँमा कतै ठूला खाडल परेको देखिएको छ भने कतै घरहरु माटोमै बिलाएका छन् । आक्रमणमा परेको शरणार्थी शिविर इजराइलले मानिसहरुलाई आफ्नो सुरक्षाका लागि पहिले नै छोड्न भनेको थियो ।

इजराइलले गाजामा हवाई आक्रमण जारी राखेको छ । हिजो एकैदिनमा ३ सय वटा निसाना बनाएर आक्रमण गरेको इजराइलले जनाएको छ । इजराइली स्थल सेना माथि विद्रोहीहरुका तर्फबाट एन्टी-ट्याङ्क मिसाइल र मेसिन गनबाट आक्रमण गरिएको बताइएको छ ।

हमासले गत ७ सेप्टेम्बर मा इजराइल माथि अचानक आक्रमण गरेपछि इजराइलले गाजामा निरन्तर हवाई तथा स्थल आक्रमण जारी राखेको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।