काठमाण्डौ,२० कार्तिक

नेपालमा आजदेखी(सोमबार) मोबाइल डिभाइस म्यानेजमेन्ट सिस्टम अर्थात् एमडीएमएस लागू हुँदैछ । आजदेखी एमडीएमएस प्रणाली पूर्ण रूपमा कार्यान्वयन हुने र यससँगै प्रणालीमा दर्ता नभएका मोबाइल फोन क्रमशः ब्लक हुँदै जाने प्राधिकरणका अध्यक्ष पुरुषोत्तम खनालले जानकारी दिनुभयो । उहाँका अनुसार एमडीएमएस लागू भएसँगै अवैध वा गैरकानुनी रूपमा ल्याइएका मोबाइलमा कुनै पनि सिमकार्ड चल्ने छैन ।
प्राधिकरणले यही कात्तिक ४ गते सूचना जारी गरेर १५ दिनभित्र सेवाग्राहीलाई एमडीएमएसमा दर्ता गर्न भनेको थियो । आफ्नो मोबाइल फोन एमडीएमएसमा दर्ता भएको छ छैन भन्ने जानकारी mdms.nta.gov.np   मा गएर हेर्न सकिन्छ ।
अहिलेसम्म दर्ता नभएको मोबाइल सेटको आइएमइआई नम्बर प्राधिकरणको वेबसाइट eir.nta.gov.np मा गएर दर्ता गर्न सकिने प्राधिकरणले जनाएको छ ।

Leave a Reply

Your email address will not be published. Required fields are marked *