गङ्गाजमुना माई विकास समिति गठनको लागि अध्यक्ष लामाको संयोजकत्वमा विशेष कार्यदल गठन

गङ्गाजमुना माई विकास समिति गठनको लागि अध्यक्ष लामाको संयोजकत्वमा विशेष कार्यदल गठन

धादिङबेशी । गङ्गाजमुना माई तथा झरना क्षेत्रलाई व्यवस्थित बनाउन र दिगो रूपमा विकास गर्ने उद्देश्यले गङ्गाजमुना विकास समिति वा विकास कोष गठनको लागि गाउँपालिका अध्यक्ष भक्त बहादुर लामाको संयोजकत्वमा विशेष कार्यदल गठन गरिएको छ ।

गाउँपालिकाका उपाध्यक्ष, सात वटै वडाका वडा अध्यक्ष, कानुनी सल्लाहकार र गाउँपालिकाका प्रमुख प्रशासकीय अधिकृत अनिल श्रेष्ठ सदस्य सचिव रहने गरि ११ सदस्यीय कार्यदल गठन भएको हो ।

गङ्गाजमुना माई तथा झरना क्षेत्रको जग्गा एकिन गर्नको लागि छिट्टै नै कानुन बमोजिम नापी तथा मालपोत कार्यालय धादिङ र आवश्यकता अनुसार अन्य निकायसँग समन्वय गरेर छिट्टै कार्य सम्पादन गरिने कार्यदलको संयोजक तथा गाउँपालिकाका अध्यक्ष भक्त बहादुर लामाले नीलकण्ठ एफ.एम.लाई जानकारी दिनु भयो ।

उहाँले गठन गरिएको कार्यदलले कानुनी सल्लाहकार, विज्ञ र सरोकारवालासँग समन्वय एवं परामर्श गरी ऐेन तथा नियमावली बनाएर विकास समिति वा विकास कोष गठन गर्ने र यस क्षेत्रको विकासको लागि गठन हुने विकास समितिलाई हस्तान्तरण गर्ने बताउनु भयो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
यो पनि पढ्नुहोस् :  निजी स्वास्थ्य संस्थामा उपचार गराउँदा २० प्रतिशत तिर्नुपर्ने