कोखे आहालेको पहिरो नियन्त्रणको काम शुरु
गोरखा- आरुघाट सडकखण्डअन्तर्गत गोरखा नगरपालिका–२ को कोखे आहालेस्थित जुगेपानीको पहिरो नियन्त्रण थालिएको छ । कोखे आहाले पहिरोले सवारी आवागमनमा बर्षेनी समस्या थपिएको थियो ।
भौगर्भिक अध्ययनपछि गत असोजबाट पहिरो नियन्त्रणको काम शुरु गरिएको संघीय सडक सुपरीवेक्षण तथा अनुगमन कार्यलय अन्तर्गत डिभिजन तनहुँका डिभिजन प्रमुख पशुपति ज्ञवालीलले जानकारी दिनुभयो । हालसम्म करिव ४० प्रतिशत काम सम्पन्न भएको र आगामी वैशाखसम्म पहिरो नियन्त्रणको काम सक्ने लक्ष्य राखिएको उहाँले बताउनुभयो ।
तीन करोड ७२ लाख रुपैयाँको लागतमा पहिरो नियन्त्रणको काम शुरु भएको हो । उक्त क्षेत्रमा हल्का पानी परेपनि सवारी आउजाउमा समस्या हुँदै आएको थियो । दीर्घकालीनरुपमा पहिरो नियन्त्रणको प्रयास थालिएको हो । उक्त ठाउँमा २० वर्ष अघिबाट हिलो खस्न शुरु भएको हो ।
भिमसेन थापा, आरुघाट, धार्चे र चुमनुव्री गाउपालिका पुग्ने मुख्य सडक मार्गमा वर्सेनी वर्खाको वेला पहिरो खसेपछि सवारी आउजाउ प्रभावित बन्दै आएको थियो । सडक खुलेपछि माटोको हलचलले भाँसिदै गएको स्थानीय बताउछन् ।
यस क्षेत्रमा यसअघि पनि पटक-पटक भौगर्भविद आएर अध्ययन गरेका थिए । उक्त ठाउँमा बर्खामा हिलो र हिउँदमा घुलोले स्थानीयले सास्ती खेप्दै आएका थिए ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८२ मंसिर ८, आईतवार ०९:५५सोमबार जनकपुरसँग विराटनगर र कर्णालीसँग सुदूरपश्चिम भिड्दै « रिपोर्टर्स नेपाल- समाचार२०८२ मंसिर ८, आईतवार ०८:२३आधुनिक हतियारसहित एक युवक पक्राउ
- कला, विचार/मनोरञ्जन२०८२ मंसिर ८, आईतवार ०७:४६चलचित्र ‘स्त्री’ फागुन २९ गतेदेखि देशभर प्रदर्शनमा आउने
- कला, विचार/मनोरञ्जन२०८२ मंसिर ७, शनिबार १९:३१चलचित्र ‘मन बिनको धन’ हेर्ने देशैभरिका विद्यालयलाई सहयोग र छुट दिने
