जिल्ला आयुर्वेद स्वास्थ्य केन्द्र धादिङको न्यूनतम सेवा मापदण्ड मापन, ५१.८० स्कोर प्राप्त

धादिङबेशी । जिल्ला आयुर्वेद स्वास्थ्य केन्द्र धादिङको पहिलो पटक न्यूनतम सेवा मापदण्ड मापन कार्यक्रम सम्पन्न भएको छ । बागमती प्रदेश स्वास्थ्य मन्त्रालय,स्वास्थ्य निर्देशनालय हेटौडाले माघ १० र ११ गते आयुर्वेद स्वास्थ्य केन्द्र धादिङको न्यूनतम सेवा मापदण्डको मापन गरेको हो ।

आज सार्वजनिक गरिएको नतिजा अनुसार जिल्ला आयुर्वेद स्वास्थ्य केन्द्र धादिङले ५१.८० नम्बर प्राप्त गर्न सफल भएको छ । चिकित्सा तथा रोग नियन्त्रण शाखा, स्वास्थ्य निर्देशनालय हेटौडाका बरिष्ठ मेडिकल सुपरिडेन्टेट डा। नविन दर्नालको संयोजकत्वमा आयुर्वेद औषधि उत्पादन केन्द्र चितवनका निर्देशक डा। सुरेश महर्जन र स्वास्थ्य निर्देशनालय हेटौडाका एमएसएस फोकल पर्सन तथा ल्याब टेक्निसियन शुशिल आचार्यको समुहले न्यूनतम सेवा मापदण्डको मापन गरिएको हो ।

जिल्ला आयुर्वेद स्वास्थ्य केन्द्रको स्वास्थ्य सेवाको बास्तविक खाका तयार गर्न,आयुर्वेदले प्रदान गरिने न्यनतम सेवाको बारेमा जानकारी गराई कार्यान्वयनमा सहयोग गर्न र समस्याको पहिचान गरि बिकल्पको खोजी गरि सेवा गुणस्तरमा अभिवृद्धि गर्ने उदेश्यले न्यनतम सेवा मापदण्डको मापन गरिएको हो ।

नतिजा सार्वजनिक समारोहमा बोल्दै कार्यक्रमका प्रमुख अतिथि समेत रहनुभएका चिकित्सा तथा रोग नियन्त्रण शाखा, स्वास्थ्य निर्देशनालय हेटौडाका बरिष्ठ मेडिकल सुपरिडेन्टेट डा। नविन दर्नालले एमएसएसकै नतिजा अनुसार आगामी दिनमा बजेट बिनियोजन समेत हुने भन्दै सुधार गर्नुपर्ने पक्षमा आफुले सक्दो प्रयास गर्न आयुर्वेद प्रशासनलाई आग्रह गर्नु भएको छ ।

न्यनतम सेवा मापदण्ड मापनमा जिल्ला आर्युवेद स्वास्थ्य केन्द्र धादिङको जिन्सी निरिक्षण,सामाजिक लेखा परिक्षण सम्पन्न, कर्मचारी ड्रेस र परिचयपत्र प्रयोग,नियमित रिपोटिङ,नियमित कर्मचारी बैठक,नागरिक वडापत्र र न्यारेसन चार्टको ब्यवस्था लगाएतको सबल पक्ष भेटिएको स्वास्थ्य निर्देशनालय हेटौडाका एमएसएस फोकल पर्सन तथा ल्याब टेक्निसियन शुशिल आचार्यले बताउनु भयो ।

त्यसैगरि आयुर्वेद स्वास्थ्य केन्द्र धादिङका कार्यालय प्रमुख अमुल्य दाहालले एमएसएसको नतिजा अनुसार आयुर्वेद स्वास्थ्य केन्द्रले धादिङ सुधार गर्नुपर्ने पक्षमा आफु प्रतिबद्ध भएर आगामी दिनमा कार्य सम्पादन गर्ने बताउनु भयो । नतिजा सार्वजनिक समारोहमा स्वास्थ्य कार्यालय धादिङका निमित्त कार्यालय प्रमुख अनन्त प्रसाद शर्मा, धादिङ अस्पतालका निमित्त मेसु सुरेन्द्र भट्ट,आयुर्वेदमा कार्यरत कर्मचारीहरुको उपस्थिति रहेको थियो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।