‘खजुरे ब्रो’को पहिलो गीत ‘लभ गर्ने मान्छे’ सार्वजनिक
नीति शाहको डेब्यू सिनेमा ‘खजुरे ब्रो’ले आफ्नो पहिलो गीत सार्वजनिक गरेको छ।
राजधानीमा एक कार्यक्रम गर्दै सिनेमाले ‘लभ गर्ने मान्छे’ बोलको गीत सार्वजनिक गरेको हो।
अनमोल गुरुङको शब्द तथा संगीतमा तयार भएको सार्वजनिक गीतमा गायनमा संगीतकार अनमोलले अनुपम गुरुङसँग साझेदारी गरेका छन्।
भट्टीको सेटिङमा खिचिएको यो गीतमा सिनेमाका प्रमुख पात्र ‘खजुरे’ बनेका रियर राई तथा महेश त्रिपाठीका साथमा अन्य कलाकारहरु फिचर भएका छन्।
सिनेमा वैशाख २८ गते रिलिज हुँदैछ। सिनेमामा सुरज सुनुवारको लेखन तथा निर्देशन रहेको छ।
सिनेमामा नीति, रेयर तथा महेशका अलावा नविन मानन्धर,प्रकाश भुजेल,बिनिता थापा मगर,सुष्मा निरौला, पुस्कर कार्की,मनिष राउत,प्रेम सुब्बा, सुजाता राई,शान्तिला तामाङ, पवन लिम्बु, दीप चन्द्र राई (कान्छी) लगायतको अभिनय रहेको छ।
दिव्य दृश्य इन्टरटेन्मेन्टले मान्द्रो प्रोडक्सन तथा मल्टी प्रपोज प्रालिसँगको सहकार्यमा निर्माण गरेको सिनेमाका निर्माता नविन मानन्धर तथा सुरज सुनुवार हुन्। अनिल मानन्धर र पिकेश मानन्धर यसका सहनिर्माता हुन्।
डायमण्ड उप्रेती कार्यकारी निर्माता रहेको ‘खजुरे ब्रो’मा शिशिर विशंखेको छायाँकन रहेको छ भने सम्पादक मित्र डि गुरुङ हुन्। सिनेमामा अनमोल गुरुङको संगीत रहेको छ।
योदीन लिम्बुको यसका फस्ट एडी हुन् भने पोस्टर ट्रीडेन्ट कन्सेप्टका रोयल भिमसेनले तयार पारेका हुन्।
सिनेमालाई रोहित तथा रत्नको आरआर फिल्मस्ले वितरण गर्दैछ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८२ जेष्ठ १९, आईतवार ११:५१च्याम्पियन्स लिगको उपाधि पिएसजीले जित्यो- समाचार२०८२ जेष्ठ १९, आईतवार ११:४२बचतकर्ताको रकम हिनामिना गर्ने राय पक्राउ
- स्वास्थ्य/जानकारी टिप्स२०८२ जेष्ठ १९, आईतवार ०८:३९चिकित्सकले ‘मोबाइलको लाइट’ बालेर ‘आइसीयू’ र ‘सिसीयू’ कक्षका बिरामी जोगाए
- कला, विचार/मनोरञ्जन२०८२ जेष्ठ १९, आईतवार ०७:२१अनुको ‘बाबुजी…’ मा श्रीकृष्ण र आराध्या लक्ष्मी
