फेवा शिक्षा सदनमा नि:शुल्क दन्त शिविर

२०८१ आश्विन ५, शनिबार ०८:१७

पोखरा । पोखराको गणेश टोल स्थित फेवा शिक्षा सदन मा.वि.ले शुक्रबार विद्यालयमा नि:शुल्क दन्त शिविरको आयोजना गरेको छ ।

विद्यार्थीहरुलाई मुख स्वास्थ्यबारे शिक्षा दिने उद्देश्यले आयोजना शिविरमा विद्यालयका कक्षा नर्सरीदेखि दश कक्षासम्मका पाँच सय जना विद्यार्थीहरुले लाभ लिएको विद्यालयका प्राचार्य अचुत पाण्डेले जानकारी दिनुभयो । “विद्यार्थीहरुलाई कसरी मुख स्वास्थ्य राख्न सकिन्छ भन्ने शिक्षा दिने उद्देश्यले शिविरको आयोजना गरेका हौं” प्राचार्य पाण्डेले भन्नुभयो । उक्त शिविरमा विद्यार्थीहरुको मुख, दाँत, गिजाको परिक्षण गरिएको थियो ।

सो अवसरमा दाँत, गिजा र मुखलाइ स्वस्थ राख्ने उपायहरूको बारे पनि बताइएको सह-प्राचार्य प्रमोद पाण्डेले जानकारी दिनुभयो । विद्यालयको वार्षिक कार्यक्रम अनुसार शिविरको आयोजना गरिएको शैक्षिक विभाग प्रमुख सुमन आचार्यले बताउनुभयो ।

पैरवी हेल्थ एण्ड डेन्टल केयर सेन्टरको प्राविधिक सहयोगमा भएको उक्त शिविरमा विद्यालयका शिक्षक, शिक्षिका र कर्मचारीहरुको सहभागिता रहेको प्रशासनिक प्रमुख यज्ञराज पौडेलले असल खबरलाई जानकारी दिनुभयो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।