धादिङमा दलित जनप्रतिनिधिहरूका लागि अन्तरक्रिया तथा नेतृत्व विकास प्रशिक्षण सम्पन्न ।
धादिङमा बाग्मती प्रदेशभित्रका दलित जनप्रतिनिधिहरूका लागि एक दिवसीय अन्तरक्रिया तथा नेतृत्व विकास प्रशिक्षण कार्यक्रम सम्पन्न भएको छ। जातीय छुवाछूत तथा सामाजिक भेदभाव विरुद्धको ऐन, २०६८ को १४औँ वार्षिकोत्सवको अवसरमा उक्त कार्यक्रम आयोजना गरिएको हो ।
कार्यक्रममा सहभागीहरूले जात व्यवस्था र जातीय भेदभाव कानुनले उन्मुलन गरे पनि व्यवहारमा भने अझै परिवर्तन नआएको गुनासो व्यक्त गरेका थिए। उनीहरूले कानूनको प्रभावकारी कार्यान्वयन र सामाजिक सचेतनाको आवश्यकता औँल्याएका थिए ।
नीलकण्ठ नगरपालिकाका उपप्रमुख दिपक विश्वकर्माको अध्यक्षता भएको कार्यक्रममा प्रतिनिधिसभा सदस्य रणेन्द्र बरालीको प्रमुख आतिथ्य तथा धादिङ जिल्ला न्यायाधीश मनकुमारी जि एम बिक, र बाग्मती प्रदेशसभा सदस्य सोनु परियारको विषेश आतिथ्य रहेको थियो ।
प्रशिक्षकहरूमा गोपाल नेपाली, अधिवक्ता प्रकाश नेपाली र द्वन्द्व विश्लेषक राजेन्द्र सेन्चुरीले प्रशिक्षण दिनुभएको थियो । कार्यक्रममा दलित जनप्रतिनिधिहरूलाई नेतृत्व विकास, कानुनी अधिकार र सामाजिक समावेशीताका विषयमा जानकारी राइएको थियो ।
दलित समुदायको आवाज सशक्त बनाउन र उनीहरूको नेतृत्व क्षमतालाई अझ मजबुत बनाउन यस कार्यक्रमले महत्त्वपूर्ण भूमिका खेलेको आयोजकहरूले बताएका छन् ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ चैत्र २९, आईतवार ०७:३८आज वनस्पति दिवसः हरित अर्थतन्त्रको विकासमा जोड- समाचार२०८२ चैत्र २९, आईतवार ०६:३७अतिक्रमित क्षेत्र खाली गराउँदै इनरुवा नगरपालिका
- समाचार२०८२ चैत्र २८, शनिबार १६:१०जेनजी घाइतेलाई निःशुल्क एमबीबीएस नियम विपरीत छैन : शिक्षा मन्त्रालय
- स्वास्थ्य/जानकारी टिप्स२०८२ चैत्र २८, शनिबार १३:३३निवर्तमान मन्त्री साह पत्नी नियुक्ति प्रकरण-‘जनस्वास्थ्य प्रशासक र बोर्डका निर्देशकलाई सोध्यो स्पष्टीकरण’
