लागू औषध गाँजासहित भारतीय नागरिक धादिङबाट पक्राउ
धादिङ, ३१ असार ।
धादिङको बेनिघाट रोराङ गाउँपालिका–२, आपटारस्थित मलेखु–कान्द्राङगढी भित्री सडकखण्डबाट ठूलो परिमाणमा लागू औषधसहित एक भारतीय नागरिक पक्राउ परेका छन् ।
विशेष सूचनाको आधारमा इलाका प्रहरी कार्यालय गजुरी र प्रहरी चौकी ताल्तीबाट खटिएको संयुक्त टोलीले आज भारततर्फको गाडी जाँच गर्ने क्रममा उक्त लागू औषध फेला पारेको हो ।
भारतको बिहार राज्य, मोतिहारी जिल्ला, रक्सौल थाना अन्तर्गत नोईयाढिह–४, सहदेवाका ४५ वर्षीय सरहज मियाँले चलाएको गाडी चेकजाँच गर्दा शंकास्पद देखिएपछि खानतलासी गरिएको थियो।
सो क्रममा गाडीको सिटमुनी च्याँसिस भागमा फल्स बटम बनाई लुकाइछिपाई राखिएको अवस्थामा गाँजा जस्तो देखिने लागू औषध ३१ वटा पोका सहित १४३ किलो ८४० ग्राम बरामद गरिएको जिल्ला प्रहरी कार्यालय धादिङका प्रवक्ता तथा सुचना अधिकारी सुभास हमालले जानकारी दिनुभयो।
पक्राउ परेका मियाँलाई लागू औषध मुद्दामा आवश्यक अनुसन्धानका लागि धादिङ जिल्ला अदालतबाट १२ दिनको म्याद थप गरी अनुसन्धान प्रक्रिया अघि बढाइएको प्रहरीले जनाएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८२ फाल्गुन १०, आईतवार १६:१७नेप्से परिसूचक २७ अङ्कले घट्यो- कला, विचार/मनोरञ्जन२०८२ फाल्गुन १०, आईतवार १४:३२विराज र सुपुस्पा फिचर्ड ‘राम नाम सत्य’ को पहिलो गीत सार्वजनिक
- स्वास्थ्य/जानकारी टिप्स२०८२ फाल्गुन १०, आईतवार १३:२१सुदूरपश्चिममा डेङ्गुबाट तीन वर्षमा सात हजारभन्दा बढी प्रभावित
- समाचार२०८२ फाल्गुन १०, आईतवार ११:४९खरानीको थुप्रोमा सत्ताको मृगतृष्णा
