पोखरामा तिहारका लागि तोकियो ‘सयपत्री’को मूल्य, थुङ्गाको ५ रुपैयाँ र मालालाई १५० रुपैयाँ भन्दा बढी नपर्ने
पाेखरा । आसन्न तिहार पर्वका लागि पोखरा महानगरपालिकाले सयपत्री फूलको बिक्री मूल्य निर्धारण गरेको छ।
स्थानीय उत्पादनलाई प्रवर्द्धन गर्ने र उपभोक्तालाई सहज बनाउने उद्देश्यले महानगरले पोखरामै उत्पादित फूललाई तीन प्रकारमा ग्रेडिङ गरी कारोबार मूल्य तोकेको हो।
महानगरको आर्थिक विकास महाशाखा प्रमुख मनहर कडरियाका अनुसार, कृषि सञ्जाल, पोखरा उद्योग वाणिज्य संघ, फ्लोरिकल्चर एसोसिएसन कास्की र कृषि ज्ञान केन्द्र कास्कीसँगको विस्तृत छलफलपछि यो निर्णय गरिएको हो।
निर्धारित मूल्यसूची अनुसार, ‘ए’ ग्रेडको १५ देखि २० ग्राम तौलको प्रति थुंगा फूललाई ५ रुपैयाँ र प्रति मालालाई १५० रुपैयाँ पर्नेछ।
यस्तै, ‘बी’ ग्रेडको १० देखि १५ ग्राम तौलको प्रति थुंगा फूलको मूल्य ४ रुपैयाँ र प्रति माला १३० रुपैयाँ तोकिएको छ। ‘सी’ ग्रेडको ५ देखि १० ग्राम तौलको प्रति थुंगा फूल २ रुपैयाँ र प्रति माला १०० रुपैयाँमा उपलब्ध हुनेछ।
यी तीनवटै ग्रेडका फूल प्रति केजी ३०० देखि ४०० रुपैयाँमा पाउन सकिने प्रमुख कडरियाले जानकारी दिए।
महानगरले पोखराका २५ भन्दा बढी स्थानहरूलाई सयपत्री फूलको बिक्री स्थल तोकेको छ। कात्तिक ३, ४ र ५ गते पोखराको बगर, महेन्द्रपुल, तालचोक, लगायतका किसान बजार र वडा कार्यालयहरूमा फूल खरिदबिक्री हुने व्यवस्था मिलाइएको छ।
यस वर्ष महानगरको सहयोगमा करिब ३०० रोपनी क्षेत्रफलमा सयपत्री फूलको खेती गरिएको छ। यसबाट ३ लाख माला उत्पादन हुने र करिब ३ देखि ४ करोड रुपैयाँको कारोबार हुने अनुमान गरिएको छ।
महानगरपालिकाले विगत तीन वर्षदेखि बीउमा अनुदान, उत्पादनको बजारीकरणमा सहजीकरण र कृषकलाई न्यूनतम समर्थन मूल्य प्रदान गर्दै आएको छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=19828, citypokhara.com
लेखकको बारेमा
लेखकसँग सम्बन्धित खबरहरु
समाचार२०८३ बैशाख १०, बिहीबार १७:२०विज्ञापन नीति खारेजीको माग गर्दै पत्रकार महासंघ कास्कीको ज्ञापनपत्र- समाचार२०८३ बैशाख १०, बिहीबार १५:०७प्युठानमा तीर्थयात्री बोकेको जिप दुर्घटना: एक बालकको मृत्यु, २१ जना घाइते
- समाचार२०८३ बैशाख १०, बिहीबार ०६:३११० औं पोखरा स्पोर्टस अवार्डलाई टाइगर ग्रुपकाे साथ
- समाचार२०८३ बैशाख १०, बिहीबार ०६:२४लेउवा संघमा ‘बिजनेश ईन्कुबेशन’ सम्बन्धी अभिमुखिकरण
