भदौ घटनापछि पार्टीको लोकप्रियता बढ्ने एमालेका महासचिव पोखरेलकाे विश्वास
काठमाडौँ। नेकपा (एमाले) का महासचिव शंकर पोखरेलले भदौ २३ र २४ गते जेनजी आन्दोलनको नाममा भएका हत्या, आगजनी र तोडफोडका घटनाका रहस्य क्रमशः खुल्दै गएपछि एमाले जनतामाझ अझ बढी लोकप्रिय र विश्वसनीय बन्ने विश्वास व्यक्त गरेका छन् ।
उनले फेसबुकमार्फत यस्तो धारणा सार्वजनिक गरेका हुन् । महासचिव पोखरेलका अनुसार ती घटनाका पछाडि लुकेका यथार्थ उजागर हुन थालेपछि एमालेप्रतिको जनआस्था झनै बलियो बन्नेछ र पार्टी जनताको विश्वासको केन्द्रका रूपमा स्थापित हुने छ। उनले लेखेका छन् “भदौ २३ र २४ गतेका बीभत्स घटनाका रहस्य क्रमशः खुल्दै जाँदा नेकपा (एमाले) जनताको सर्वाधिक लोकप्रिय र विश्वसनीय पार्टी बन्नेछ।”
स्मरणीय छ, सो क्रममा आन्दोलनकारीका नाममा हिंसात्मक गतिविधि भई युवा विद्यार्थीको हत्याका साथै तोडफोड, आगजनी र प्रहरीमाथि आक्रमण भएका थिए। ती घटनाका विभिन्न पक्षबारे अहिले अनुसन्धान र तथ्य सार्वजनिक हुने क्रम जारी छ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=19831, citypokhara.com
लेखकको बारेमा
लेखकसँग सम्बन्धित खबरहरु
समाचार२०८२ कार्तिक २३, शनिबार १२:०२संसद पुर्नस्थापना हुनुपर्छ , यथास्थितिमा निर्वाचन सम्भव छैन : नेता अधिकारी - समाचार२०८२ कार्तिक २२, शुक्रबार १५:४४प्रतिभा माविमा सिपिएस कार्यान्वयन पूरा, शिक्षिकाहरू सम्मानित
- समाचार२०८२ कार्तिक २०, बुधबार १९:५७अर्थमन्त्री र भूमि व्यवस्थामन्त्रीसँग पोउवा संघको प्रतिनिधिमण्डलको भेटघाट
- समाचार२०८२ कार्तिक १९, मंगलवार १९:१५पोखराको न्युरोडमा दुवै साइड पार्किङ हुनुपर्ने माग गर्दै व्यवसायीको ध्यानाकर्षण
