कास्की कारागारबाट भागेर बैदाम प्रहरी कार्यालयमा पुगी चोरी गर्ने युवक बाइक र क्यामेरासहित पक्राउ
कास्की । आगजनी, तोडफोड तथा लुटपाट गर्ने थप एक जना व्यक्ति पक्राउ गरेको कास्की प्रहरीले जानकारी दिएको छ ।
जेनजी आन्दोलनका क्रममा भदौ २४ गते कास्की कारागारबाट भागेका युवकले वडा प्रहरी कार्यालय बैदाममा पुगी चोरी गरेको पत्ता लागेको छ ।
घटनामा संलग्न पोखरा वडा नं. ७ घारीपाटन बस्ने २६ वर्षीय विवश जलारी पक्राउ परेका छन् ।
कास्की कारागारबाट भागेका कैदी जलारी वडा प्रहरी कार्यालय बैदामबाट चोरी भएको डिजिटल क्यामेरा र नम्बर नखुलेको पल्सर एनएस बाइकसहित पक्राउ परेका हुन् ।
कास्की जिल्ला अदालतबाट अपराधिक उपद्रव सम्बन्धी मुद्दामा ६ दिन म्याद थप गरी अनुसन्धान प्रकृया अगाडि बढाइएको कास्की प्रहरीले जनाएको छ ।
जलारी कारागार कार्यालय कास्कीमा ज्यान मार्ने उद्योग मुद्दामा थुनामा रहेको र २४ गते भागी वडा प्रहरी कार्यालय बैदाममा लुटपाट तथा चोरी गर्न पुगेको खुल्न आएको कास्की प्रहरी प्रवक्ता डीएसपी हरिबहादुर बस्नेतले जानकारी दिए ।
पुरा र थप ताजा समाचारको लागि यहाँ थिच्नुहोस् ।
http://citypokhara.com/?p=19928, citypokhara.com
लेखकको बारेमा
लेखकसँग सम्बन्धित खबरहरु
समाचार२०८२ फाल्गुन १८, सोमबार २१:४६साेमबार राति १२ बजेपछि मौन अवधि सुरु, यी काम गर्न पाइँदैन- समाचार२०८२ फाल्गुन १७, आईतवार १९:३२मौन अवधिमा सञ्चार माध्यमको दायित्व झन् बढीः सरोकारवाला
- समाचार२०८२ फाल्गुन १७, आईतवार १५:३८कास्की २ का एमाले उम्मेदवार रश्मि आचार्यले सामाजिक संजालबाट आज बेलुकी ८ बजे मतदातासँग प्रत्यक्ष संवाद गर्ने
- समाचार२०८२ फाल्गुन १७, आईतवार १३:४९इरानका सर्वोच्च नेता खामेनीको मृत्यु पुष्टि, ४० दिन राष्ट्रिय शोक घोषणा
