धादिङका महेश रिजाल ‘Best Employee of the Year 2025’ बाट सम्मानित
धादिङबेशी,१७ पौष । धादिङ जिल्लाको नीलकण्ठ नगरपालिका–३ निवासी महेश रिजाल सम्मानित भएका छन्। सुबिसु लिमिटेडको २५औँ वार्षिकोत्सवको अवसरमा आयोजित विशेष कार्यक्रममा कम्पनीले उहाँलाई “Best Employee of the Year 2025” उपाधिबाट सम्मान गरेको हो।
सुबिसु लिमिटेडमा विगत ११ वर्ष १० महिना २८ दिनदेखि निरन्तर सेवा प्रदान गर्दै आउनुभएका रिजाल हाल बागमती प्रदेश प्रमुखको जिम्मेवारीमा कार्यरत छन्। दीर्घकालीन समर्पण, नेतृत्व क्षमता र सेवामुखी कार्यशैलीको उच्च मूल्याङ्कन गर्दै कम्पनीले उहाँलाई यो प्रतिष्ठित सम्मान प्रदान गरेको जनाएको छ।
सम्मानप्रति प्रतिक्रिया दिँदै रिजालले आफूलाई छनोट गरी पुरस्कृत गरिएकोमा अत्यन्त खुशी र गौरवान्वित महसुस भएको बताएका छन्। साथै, यो सफलतामा साथ, सहयोग र विश्वास प्रदान गर्ने भैरवी केबल धादिङ, त्रिशूली केबल नुवाकोट, होलिडे नेटवर्क्स गोरखा, मलेखु ब्रान्च तथा अरूष केबल गल्छीका सम्पूर्ण सञ्चालकहरूप्रति हार्दिक धन्यवाद व्यक्त गरेका छन्।
धादिङका एक कर्मठ र प्रतिबद्ध पेशाकर्मीका रूपमा परिचित महेश रिजालको यो सम्मानले स्थानीय युवाहरूलाई पेशागत इमान्दारिता, निरन्तर मेहनत र संस्थाप्रतिको निष्ठाले राष्ट्रिय स्तरसम्म पहिचान दिलाउन सकिन्छ भन्ने सन्देश दिएको छ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
स्वास्थ्य/जानकारी टिप्स२०८२ माघ ३०, बिहीबार ०६:५३झापामा आजदेखि हाडजोर्नी चिकित्कसको बृहत् सम्मेलन
कला, विचार/मनोरञ्जन२०८२ माघ २९, बुधबार २३:२२चलचित्रमार्फत पर्यटन प्रवर्द्धन : विकास बोर्ड र पर्यटन बोर्डबीच चार बुँदे सहकार्य- समाचार२०८२ माघ २९, बुधबार १९:२५रवि-बालेन एकता रहरको होइन,अरूले कसैले गराइदिएका हुन्- काँग्रेस प्रवक्ता
- स्वास्थ्य/जानकारी टिप्स२०८२ माघ २९, बुधबार १६:०८चार सय ९३ स्थानीय तहमा एचपिभी खोप अभियान सञ्चालन
