सिद्धलेकमा निःशुल्क स्वास्थ्य शिविर सम्पन्न
धादिङ,पुस २० गते ।
सिद्धलेकमा गाउँपालिका वडा नं.– ३ सलाङस्थित स्वास्थ्य चौकीमा एकदिने निःशुल्क स्वास्थ्य शिविर सम्पन्न भएको छ। सशस्त्र प्रहरी बल नेपाल, धादिङको आयोजना तथा सिद्धलेक गाउँपालिकाको सह–आयोजनामो निःशुल्क स्वास्थ्य शिविर सम्पन्न भएको हो ।
शिविरमा विशेषज्ञ चिकित्सकहरूद्वारा जनरल स्वास्थ्य परीक्षण, पाठेघरको स्वास्थ्य जाँच र भिआईए परीक्षण, गर्भवती महिलाका लागि भिडियो एक्स–रे सेवा, दाँतसम्बन्धी उपचार, साथै निःशुल्क औषधि वितरण गरिएको थियो।
शिविरलाई सम्बोधन गर्नुहुँदै सिद्धलेक गाउँपालिकाका अध्यक्ष परशुराम खतिवडाले स्वास्थ्य क्षेत्रमा गाउँपालिकाले निरन्तर प्राथमिकता दिएको बताउनुभएको छ । यस शिविरले गाउँपालिकाद्वारा निर्मित पाँच शैयाको नयाँ भवनको क्षमता उपयोग गर्दै स्थानीय बासिन्दालाई आवश्यक स्वास्थ्य सेवा नजिकै प्रदान गर्ने अवसर सिर्जना गरेकोमा खुशी व्यक्त गर्नुभएको छ।
उहाँले“आगामी दिनमा पनि नागरिकको पहुँच सहज हुनेगरी स्वास्थ्यसम्बन्धी कार्यक्रमहरू निरन्तर सञ्चालन गरिने” बताउनुभएको छ ।
गाउँपालिकाका उपाध्यक्ष सबिता अर्याल र प्रमुख अतिथि प्रमुख जिल्ला अधिकारी बिजयराज सुवेदीले पनि यस्ता स्वास्थ्य शिविरले स्थानीय समुदायको स्वास्थ्य स्तर उकास्न महत्त्वपूर्ण योगदान पु–याउने विश्वास व्यक्त गर्नुभएको छ । उहाँहरुले सशस्त्र प्रहरी बल र गाउँपालिकाबीचको सहकार्यले सेवामूलक कार्यक्रमलाई सफल बनाएकोमा धन्यवाद समेत व्यक्त गर्नुभएको छ ।
सशस्त्र प्रहरी बल, धादिङका गुल्मपती माला आवाले आफुहरु जनताको सेवामा प्रतिबद्ध रहेको बताउँदै उहाँले यो स्वास्थ्य शिविरमा संलग्न डाक्टर, स्वास्थ्यकर्मी, दाताहरू र स्वयंसेवकलाई धन्यवाद दिनुभएको छ ।
गाउँपालिकाका वडा अध्यक्ष देव बहादुर पुलामीले शिविरमार्फत विशेष गरी विपन्न परिवारका नागरिकलाई स्वास्थ्य, स्टेसनरी र न्यानो कपडा वितरण गरिएको जानकारी दिनुभएको छ । उहाँले सोधपुछ र परीक्षण गर्ने चिकित्सकहरूको उपलब्धता गाउँलेहरूको लागि सहज र लाभदायी भएको बताउनुभएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
समाचार२०८३ बैशाख १, मंगलवार १९:४९धादिङ समाज बेल्जियमको अध्यक्षमा दाहाल र महासचिवमा अर्याल निर्वाचित- समाचार२०८३ बैशाख १, मंगलवार १८:४२अखाद्य वस्तु भेटिएपछि बागमती स्विट्सको उत्पादन रोक्न निर्देशन
- खेलकुद२०८३ बैशाख १, मंगलवार १४:०७ऊर्जा मन्त्रालयले तयार गर्यो नवीकरणीय ऊर्जा सम्बन्धी विधेयकको मस्यौदा
- कला, विचार/मनोरञ्जन२०८३ बैशाख १, मंगलवार १४:०४भदौ २६ गते हरितालिका तीजमा ‘पेन्सन पट्टा’ प्रदर्शनमा आउने
