धौखोलामा झोलुङ्गे पुल निर्माण प्रक्रिया सुरु, धादिङकै दोस्रो लामो पुल बन्ने
धादिङ, ८ चैत्र ।
नीलकण्ठ नगरपालिका–८ र ज्वालामुखी गाउँपालिका–४ लाई जोड्ने धौखोला क्षेत्रमा झोलुङ्गे पुल निर्माण प्रक्रिया अघि बढेको छ। लामो समयदेखि स्थानीय बासिन्दाले उठाउँदै आएको माग सम्बोधन हुने गरी बागमती प्रदेश सरकारले पुल निर्माणका लागि बहुवर्षीय टेन्डर आह्वान गरेको हो ।
नीलकण्ठ–८ का वडा अध्यक्ष प्रकाश श्रेष्ठका अनुसार पुल निर्माणका लागि करिब ३ करोड ४३ लाख रुपैयाँ लागत अनुमान गरिएको छ। चालु आर्थिक वर्षका लागि मात्र २ करोड ४२ लाख ८९ हजार २०० रुपैयाँ बराबरको टेन्डर आह्वान भइसकेको उहाँले जानकारी दिनुभयो ।
निर्माण सम्पन्न भएपछि धौखोलामा ३५० मिटर लामो झोलुङ्गे पुल सञ्चालनमा आउनेछ। पुल निर्माणसँगै दुई स्थानीय तहबीचको आवतजावत सहज हुनुका साथै स्थानीय बासिन्दाको दैनिक जीवन, व्यापार–व्यवसाय तथा आपतकालीन सेवामा समेत उल्लेखनीय सहजता आउने अपेक्षा गरिएको छ।
साथै प्रसिद्ध धार्मिक स्थल ढोला मण्डली मन्दिर जोड्ने पुल सञ्चालनमा आएपछि सदरमुकाम धादिङबेसीबाट करिब १५ मिनेटमै मोटरसाइकलमार्फत मन्दिर दर्शन गर्न सकिने छ ।
यसअघि धादिङकै गंगाजमुना गाउँपालिका–६ र ७ जोड्ने ४०८ मिटर लामो झोलुङ्गे पुल सञ्चालनमा आएको थियो, जुन नेपालकै दोस्रो ठूलो झोलुङ्गे पुलका रूपमा चिनिन्छ। धौखोलामा बन्ने नयाँ पुल ३५० मिटर लम्बाइको हुने भएकाले यो धादिङ जिल्लाकै दोस्रो लामो झोलुङ्गे पुल बन्नेछ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ जेष्ठ १, शुक्रबार १५:३३चलचित्र ‘सिन्दुरे जात्रा’को छायांकन सुरु- समाचार२०८३ जेष्ठ १, शुक्रबार ०९:५१पाथीभराको भेटी एक करोड छ लाख रुपैयाँ
- समाचार२०८३ जेष्ठ १, शुक्रबार ०८:१४धादिङबेशीमा हानबीको शाखा खुल्यो, जापान अध्ययनका लागि भाषा तथा परामर्श सेवा प्रदान गरिने
- खेलकुद२०८३ जेष्ठ १, शुक्रबार ०६:४८मुम्बई इन्डियन्ससँग पञ्जाव किङ्ग्स पराजीत
