प्रतिनिधिसभा उम्मेदवार – एमालेबाट धादिङ क्षेत्र न २ मा ८ र क्षेत्र न १ मा ७ जना ईच्छुक

धादिङबेशी, १९ पौष । धादिङमा नेकपा एमालेका प्रतिनिधिसभा उम्मेदवार बन्न इच्छुक नेताहरूले निवेदन दर्ता गराएका छन् । नेकपा एमाले धादिङका निर्वाचन क्षेत्रीय समन्वय कमिटीहरूको बैठकमा आगामी प्रतिनिधिसभा निर्वाचनका लागि उम्मेदवारी दिन चाहने नेताहरूले औपचारिक रूपमा निवेदन पेश गरेका हुन् ।

निर्वाचन क्षेत्र नम्बर २ को समन्वय कमिटी बैठकमा डा. खेम प्रसाद लोहनी, अर्जुनकुमार श्रेष्ठ, डा. रामकुमार अधिकारी, चन्द्र रिजाल, उमेश थापा, कृष्णकुमारी थापा, शम्भु थापा र धनबहादुर घलेले प्रतिनिधिसभा उम्मेदवारका लागि निवेदन दिएका छन् ।

यसैगरी निर्वाचन क्षेत्र नम्बर १ को समन्वय कमिटी बैठकमा भूमि त्रिपाठी, कमला शर्मा, मिनराज कँडेल, दीपक खतिवडा, जगन्नाथ नेपाल, गजेन्द्र थपलिया र कपिल अधिकारीले उम्मेदवारीका लागि निवेदन दर्ता गराएका छन् ।

पार्टीको विधान र निर्णयअनुसार निर्वाचन क्षेत्रीय समन्वय कमिटीले निवेदन दिएका नेताहरूको नामावली जिल्ला कमिटीमा पठाउने जनाएको छ । जिल्ला कमिटीले आवश्यक छलफल र मूल्यांकनपछि ती नामहरूलाई नेकपा एमाले केन्द्रीय कमिटीमा सिफारिस गर्ने प्रक्रिया अघि बढाउनेछ ।

आगामी प्रतिनिधिसभा निर्वाचनलाई लक्षित गर्दै पार्टी संगठन सुदृढीकरण र उम्मेदवार छनोट प्रक्रिया तीव्र पारिएको नेकपा एमाले धादिङले जनाएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।