हुम्लामा कांग्रेसका रोकाया विजयी

हुम्ला- प्रतिनिधिसभातर्फ एकमात्र निर्वाचन क्षेत्र रहेको हुम्लामा नेपाली कांग्रेसका उम्मेदवार जयपति रोकाया निर्वाचित हुनुभएको छ ।

मुख्य निर्वाचन अधिकृतको कार्यालयका अनुसार कांग्रेसका रोकाया आठ हजार ७९६ मत प्राप्त गरेर विजयी हुनुभएको हो । उहाँका निकटतम प्रतिद्वन्द्वी नेपाल कम्युनिष्ट पार्टीका डा दिपेन्द्र रोकायाले सात हजार २४३ मत प्राप्त गर्नुभयो ।

यस्तै नेकपा (एमाले)का दल फडेराले चार हजार ३३१, रास्वपाका टासी ल्हाजोमले एक हजार, प्रलोपाका जटिल कार्कीले २४८, नेपाल कम्युनिष्ट पार्टी (माओवादी) का कुम्भ बुढाले १२८ र राष्ट्रिय प्रजातन्त्र पार्टीका छक्क बुढाले १२४ मत प्राप्त गर्नुभयो । हुम्लाका ६४ मतदान केन्द्रमा २२ हजार ४६७ मत खसेको थियो ।

विक्रम सम्वत् २०३५ साल कार्तिक ४ गते हुम्लामा जन्मिनुभएका रोकायको राजनीतिक यात्रा २०४९ सालमा नेपाल विद्यार्थी संघ हुम्लाको अध्यक्ष पदबाट सुरु भयो र उनी तीन कार्यकाल उक्त पदमा रहनु भएको थियो ।

रोकाया हालको सिमकोट गाउँपालिका–५ (साविक सिमकोट गाविस) का स्थायी बासिन्दा हुनुहुन्छ।

उहाँले माध्यामिक शिक्षा हुम्लाको मानसरोवर माविबाट पूरा गर्नुभयो काठमाडौंको शंकरदेव क्याम्पसबाट प्रविणता प्रमाणपत्र तहसम्म अध्ययन गर्नु भयो ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।