सकियो धादिङमा समानुपातिकतर्फको पनि मतगणना, कुल दलले कति मत पाए ?

धादिङबेशी । प्रतिनिधिसभा सदस्य निर्वाचनअन्तर्गत धादिङको दुवै निर्वाचन क्षेत्रमा समानुपातिकतर्फको पनि मतगणना सम्पन्न भएको छ । समानुपातिक मतपरिणाममा राष्ट्रिय स्वतन्त्र पार्टी (रास्वपा) पहिलो स्थानमा रहेको निर्वाचन कार्यालयले जनाएको छ ।

कार्यालयका अनुसार क्षेत्र न १ मा रास्वपाले समानुपातिकतर्फ ३९ हजार ९ सय ५३ मत र क्षेत्र न २ तर्फ २८ हजार ७५२ मत प्राप्त गरेको छ । त्यसैगरी नेपाली कांग्रेसले क्षेत्र न १ तर्फ १० हजार ८३, क्षेत्र न २ तर्फ १८ हजार ५५४ मत हासिल गरेको छ । त्यसैगरि नेपाल कम्युनिष्ट पार्टी (एमाले)ले क्षेत्र न १ मा १४ हजार ७ सय ६१ र क्षेत्र न २ मा ९ हजार ६३३ मत पाएको छ ।

त्यस्तै नेपाल कम्युनिष्ट पार्टीले क्षेत्र न १ मा १३ हजार १ सय ८३ र क्षेत्र न २ तर्फ ७ हजार ८७९ मत प्राप्त गरेको छ । राष्ट्रिय प्रजातन्त्र पार्टीले क्षेत्र न १ मा १ हजार ३ सय २६ र क्षेत्र न २ मा २ हजार ५०९ मत प्राप्त गरेको छ । राष्ट्रिय परिवर्तन पार्टीले क्षेत्र न १ मा ९ सय २४ र क्षेत्र न २ मा १ हजार ५१० मत पाएको छ ।

यसैगरी श्रम संस्कृति पार्टीले क्षेत्र न १ मा ४५२ र क्षेत्र न २ मा ८०३ मत पाएको छ । मंगोल नेशनल अर्गनाइजेशनले क्षेत्र न १ मा ६ सय ५२ र क्षेत्र न २ मा ५३० र संयुक्त नागरिक पार्टीले क्षेत्र न १ मा ७३ र क्षेत्र न २ मा २७६ मत प्राप्त गरेका छन् ।

नेपाल जनता संरक्षण पार्टीले क्षेत्र न १ मा २४६ र क्षेत्र न १ मा १७२, प्रगतिशील लोकतान्त्रिक पार्टीले क्षेत्र न १ मा ६९ र क्षेत्र न २ मा १ सय ६१ मत प्राप्त गरेको छ । त्यसैगरि नेपाली कम्युनिष्ट पार्टी माओवादीले क्षेत्र न १ मा ११४ मत र क्षेत्र न २ मा ६६ मत प्राप्त गरेको जिल्ला निर्वाचन कार्यालय धादिङले जनाएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।