काठमाडौँ। नेपाली चलचित्र क्षेत्रका लोकप्रिय अभिनेता, निर्माता तथा निर्देशक रमित ढुंगानालाई मातृशोक परेको छ। उनकी ममतामयी आमा ज्ञानु देवी ढुंगानाको आज बिहान ५ बजे पुल्चोकस्थित सुमेरु सिटी अस्पतालमा ८८ वर्षको उमेरमा निधन भएको हो।
परिवार स्रोतका अनुसार स्वर्गीय ज्ञानु देवीको पार्थिव शरीरको आजै पशुपतिनाथ मन्दिरमा अन्त्येष्टि गरिनेछ। साथै बिहान १० देखि ११ बजेसम्म श्रद्धाञ्जली कार्यक्रम राखिएको जानकारी पारिवारिक श्रोतले दिएको छ।
