नेत्रावतीमा साइवर सुरक्षा तथा मनोपरामर्श तालिम सुरु
धादिङबेशी,२५ बैशाख । धादिङको नेत्रावती डवजोङ गाउँपालिका सेमजोङमा साइबर सुरक्षा तथा मनोपरामर्श सम्बन्धी तालिम सुरु भएको छ । गाउँपालिकाको आयोजना तथा धादिङ मनोसामाजिक संस्था नेपालको समन्वयमा गाउँपालिकाको सभाहलमा तालिम सञ्चालन गरिएको हो ।
वडा नम्बर ३ का वडा अध्यक्ष सुरेश वाईवाको अध्यक्षतामा भएको उद्घाटन कार्यक्रममा गाउँपालिकाका अध्यक्ष मेघनाथ रिजालको प्रमुख आतिथ्यता रहेको थियो ।
साइबर सुरक्षा तथा मनोपरामर्श तालिम उद्घाटन कार्यक्रममा बोल्दै अध्यक्ष रिजालले बढ्दो साइबर अपराधबारे सचेत रहन पालिकाबासीलाई आग्रह गर्नुभएको छ । उहाँले प्रविधिको विकाससँगै साइबर अपराधका घटनाहरू बढ्दै गएको भन्दै मोबाइल तथा सामाजिक सञ्जालको प्रयोग गर्दा विशेष सावधानी अपनाउनुपर्ने बताउनुभयो ।
उहाँले धेरै मानिसले प्रविधिको सही प्रयोगबारे पर्याप्त जानकारी नपाउँदा अनजानमै कानुनी समस्यामा पर्ने अवस्था सिर्जना भइरहेको उल्लेख गर्नुभयो । सामाजिक सञ्जालमा आएका लिंक, सन्देश वा सामग्री नबुझी शेयर गर्ने, निजी जानकारी आदानप्रदान गर्ने तथा गोपनीय सामग्री सुरक्षित नराख्ने प्रवृत्तिले समस्या निम्त्याइरहेको उहाँको भनाइ थियो ।
त्यसैगरि वडा नम्बर ३ का वडा अध्यक्ष सुरेश वाईवाले सामाजिक सञ्जालको दुरुपयोगले युवापुस्तालाई कानुनी र सामाजिक समस्यामा पार्न सक्ने भन्दै सचेत रहन आग्रह गर्नुभएको छ । साइबर सुरक्षा सचेतना कार्यक्रममा बोल्दै अध्यक्ष वाईवाले सामाजिक सञ्जालमा रिस वा आवेगमा लेखिएका सामग्री मेटाए पनि त्यसको अभिलेख केन्द्रीय प्रणालीमा सुरक्षित रहने भएकाले त्यसले भविष्यमा कानुनी झन्झट निम्त्याउन सक्ने बताउनुभयो ।
उहाँले मोबाइल र सामाजिक सञ्जाल अहिलेको आवश्यकता भए पनि त्यसको सुरक्षित प्रयोगबारे जानकारी आवश्यक रहेको उल्लेख गर्नुभयो । अपरिचित लिंक क्लिक गर्दा व्यक्तिगत सूचना चोरी हुने, साइबर ठगीमा फस्ने तथा मानसिक तनाव बढ्ने जोखिम रहेको उहाँको भनाइ थियो ।
अध्यक्ष वाईवाले पछिल्लो समय युवापुस्तामा दुःख, तनाव र रिस सामाजिक सञ्जालमार्फत पोख्ने प्रवृत्ति बढ्दै गएको भन्दै परिवार तथा आफन्तसँग संवाद र अनुभव साटासाट गर्ने संस्कार कमजोर बन्दै गएको बताउनुभयो । उहाँले मोबाइल र सामाजिक सञ्जालमा अत्यधिक निर्भरता बढ्दै जाँदा पारिवारिक तथा सामाजिक सम्बन्धमा समेत असर परेको उल्लेख गर्नुभयो ।
तालिमको पहिलो दिन जिल्ला प्रहरी कार्यालय धादिङका प्रहरी निरीक्षक प्रकाश देवे तथा धादिङ मनोसामाजिक संस्था नेपालका प्रमुख बद्री अधिकारीले साईबर सुरक्षाको बिषयमा सहजीकरण गर्नुभएको थियो । तालिम यहि बैशाख २७ गते सम्म संचालन हुनेछ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
कला, विचार/मनोरञ्जन२०८३ जेष्ठ १०, आईतवार १२:३८बियोन्डको नयाँ गीत ‘झिम झिम’ सार्वजनिक- खेलकुद२०८३ जेष्ठ ९, शनिबार ०७:०१हैदरावाद ५५ रनले विजयी « रिपोर्टर्स नेपाल
- स्वास्थ्य/जानकारी टिप्स२०८३ जेष्ठ ८, शुक्रबार २२:५९क्यान्सरको उपचारमा प्रयोग हुने औषधि अभाव
- खेलकुद२०८३ जेष्ठ ८, शुक्रबार १७:३३अमेरिकाविरुद्धको खेलमा नेपालले सहज जित
