व्यवसाय गर्न सहुलियतपुर्ण कर्जाको लागि व्याज अनुदान दिने नीलकण्ठ नगरपालिका पहिलो स्थानिय सरकारः मेयर ढुंगाना

धादिङ,२१ असोज
व्यवसाय गर्न सहुलियतपुर्ण कर्जाको लागि व्याज अनुदान दिने नीलकण्ठ नगरपालिका देशकै पहिलो स्थानिय सरकार भएको नगरपालिका संघका केन्द्रिय अध्यक्ष तथा नीलकण्ठ नगरपालिकाका मेयर भीम प्रसाद ढुंगानाले बताउनु भएको छ । नगरपालिका भित्र बसोबास गर्ने नगरबासीले व्यवसाय सन्चालन गर्नको लागि नीलकण्ठ नगरपालिकाले बिना धितो २ लाख र धितो राखेर १५ लाख सम्म सहुलियतपुर्ण कर्जाको लागि व्याज अनुदान दिने गरी कार्यक्रम सुरु भएको मेयर ढुंगानाले बताउनु भएको छ । साथै सामुहिक व्यावसाय गर्नको हकमा २० लाख सम्मको सहुलियत कर्जा उपलब्ध गराउने गरी ग्लोबल आईएमई बैंक सँग सम्झौता भएकोे ढुंगानाले बताउनुभयो ।

स्वरोजगारी बनाउने उदेश्य सहित सन्चालन भएको मेयर उद्यमशीलता कार्यक्रममा सहभागी भएर व्यवसायी बन्नको लागि समेत ढुंगानाले आग्रह गर्नुभएको छ । मेयर उद्यमशीलता विकास कार्यक्रम अन्तर्गत नीलकण्ठ नगरपालिका वडा नम्बर २ मा आजदेखी सुरु भएको सातदिने व्यवसाय सचेतना तालिम उद्घाटन गर्नुहुदै मेयर ढुंगानाले सो कुरा बताउनु भएको हो ।सात दिने तालिम लिएकाहरुले व्यवासाय सन्चालन गर्नको लागि लिएको कर्जाको व्याज २ बर्ष सम्म नीलकण्ठ नगरपालिकाले भुक्तानी गर्ने मेयर ढुंगानाको भनाई छ । २ लाख सम्मको लागि बिना धितो र २ लाख भन्दा बढीको हकमा धितो राखेर कर्जा उपलब्ध गराईने उहाँले बताउनुभयो। पुरुषको हकमा ५ प्रतिशत र महिलाको हकमा ६ प्रतिशत व्याज नगरपालिकाले तिर्ने गरी बैंक सँग सम्झौता गरीएको ढुंगानाले जानकारी दिनुभयो ।

नीलकण्ठ नगरपालिका वडा नम्बर २ का अध्यक्ष ध्वज बहादुर गुरुङको अध्यक्षतामा सम्पन्न भएको उद्घाटन सत्रमा नगर प्रमुख भीम प्रसाद ढुंगानाको प्रमुख आतिथ्यता रहेको थियो ।प्रमुख प्रशासकिय अधिकृत पुरुषोत्तम सुवेदीको विशेष आतिथ्यता रहेको कार्यक्रममा सामाजिक विकास शाखाका प्रमुख चिनामाया श्रेष्ठ, , मेयर भीम प्रसाद ढुंगानाका नीजि सचिव सरोज तिवारी,प्रशिक्षक सम्झना भण्डारी लगायतको आतिथ्यता रहेको थियो । सात दिन सम्म विज्ञ व्यक्तीहरुबाट सहजिकरण गरिने नीलकण्ठ नगरपालिकाले जनाएको छ ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।