पूर्वी चितवनको ऐतिहासिक चित्रसारी मेला (फोटो फिचर)
चितवन- पूर्वी चितवनको रत्ननगर नगरपालिका वडा नं. ८ मा चितवनकै पुरानो तथा ऐतिहासिक चित्रसारी मेला शुरु भएको छ । हरेक बर्ष हरिबोधनी एकादशीको अवसरमा लाग्ने सो मेला यस बर्ष बुधवार देखि तीन दिनसम्म लाग्ने छ ।
मेलाको मुख्य दिन भने आज (बिहीबार) हो । आज मेलामा अत्यधिक भीड हुने भएकोले सुरक्षा व्यवस्था कडा पारिएको छ । चित्रसेन बाबा मन्दिर संरक्षण समितिले मेलाको अगुवाइ गर्दै आएको छ । यो चितवनकै सबैभन्दा पुरानो र ऐतिहासिक मेला पनि हो ।
दसैँ र तिहार सकिए लगतै लाग्ने सो मेलामा ६५० वटा स्टल राखिएको छ । मेलाको सम्पूर्ण तयारी समेत पुरा भएको छ । एकादशीमा व्रत बसेको महिलाहरू चित्रसेन बाबा मन्दिरमा पूजा गर्न आउने र भक्तजनहरू मेलामा रमाउने चलन रहेको छ ।
व्रत बसेका महिलाहरू मेलामा पाइने, फलफूल, उखु, सखरखण्ड लगायतका सामाग्री किनेर घर लैजाने चलन रहेको छ । मेलाको प्रमुख आकर्षणको रुपमा उखु र राउण्ड बत्तीलाई लिने गरिएको छ । मेलामा पाइने उखु, सखरखण्ड, बदाम विशेष खानाको रुपमा खाने प्रचलन रहेको छ । सो मेलामा व्यावसायिक, खेल तथा रेष्टुरेन्टका स्टलहरू रहने छन् ।
राउण्ड बत्ती र रिङ सो मेलामा प्रमुख खेलहरू हुन् । चित्रसारी मेला तीन दिनको अवधिमा ६० हजार दर्शकले अवलोकन गर्ने अनुमान गरिएको छ । मेलाबाट भएको आम्दानी चित्रसेन बाबाको मन्दिर व्यवस्थापनमा खर्च गरिँदै आएको छ ।
लेखकको बारेमा
- असल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।
लेखकसँग सम्बन्धित खबरहरु
खेलकुद२०८२ मंसिर ८, आईतवार ०९:५५सोमबार जनकपुरसँग विराटनगर र कर्णालीसँग सुदूरपश्चिम भिड्दै « रिपोर्टर्स नेपाल- समाचार२०८२ मंसिर ८, आईतवार ०८:२३आधुनिक हतियारसहित एक युवक पक्राउ
- कला, विचार/मनोरञ्जन२०८२ मंसिर ८, आईतवार ०७:४६चलचित्र ‘स्त्री’ फागुन २९ गतेदेखि देशभर प्रदर्शनमा आउने
- कला, विचार/मनोरञ्जन२०८२ मंसिर ७, शनिबार १९:३१चलचित्र ‘मन बिनको धन’ हेर्ने देशैभरिका विद्यालयलाई सहयोग र छुट दिने
