रसुवा- रसुवाको उत्तरगयामा स्थानीयको सक्रियता र लगानीमा १०८ शिवलिङ्ग स्थापना गरिएको छ । रसुवाको उत्तरगया गाँउपालिका-५ को उत्तर गयाधाम परिसरमा एक कार्यक्रमको आयोजना गरी १०८ शिवलिंग स्थापना गरिएको हो ।
स्थानीयहरुको सक्रियतामा १६ लाख ५० हजार रुपैयाँमा ती शिवलिंग स्थापना गरिएको हो । आफ्ना ज्ञातअज्ञात पितृहरुको सम्झनामा उत्तरगयाधाम परिसरमा शिवलिङ्ग स्थापना गर्न चाहनेहरुबाट प्रति शिवलिङ्ग सात हजार रुपैयाँका दरले रकम संकलन गरिएको थियो ।
अन्य १४ लाख ८१ हजार रुपैयाँ भने दाताहरुबाट संकलन गरिएको थियो । शिवलिङ्ग प्राण प्रतिष्ठामा रूद्री पूजा, लाखबत्ती प्रज्वलन गरी उद्घाटन गरिएको हो ।
उत्तरगयाधाम परिसरमा १०८ शिवलिङ्ग निर्माण भए पछि धार्मिक तथा पर्यटकीय आकर्षण बढने बिश्वास स्थानीयहरुले लिएका छन् ।
