Home परदेश रुसी सैन्य विमान दुर्घटना हुँदा ६५ युक्रेनी युद्धबन्दी सैनिकसहित ७४ जनाको मृत्यु

परदेश

रुसी सैन्य विमान दुर्घटना हुँदा ६५ युक्रेनी युद्धबन्दी सैनिकसहित ७४ जनाको मृत्यु

२०८० माघ ११, बिहीबार ०७:१७

रुसले युक्रेनमाथि दर्जनौँ युक्रेनी बन्दी बोकेको एक सैन्य विमान खसालेको आरोप लगाएको छ । दुर्घटनामा विमानमा सवार सबैको मृत्यु भएको छ ।

रुसको पश्चिमी बेलगोरोड क्षेत्रमा एउटा विमान आगो लागेर दुर्घटनाग्रस्त हुनुअघि आकाशबाट खस्दै गरेको दृश्य सामाजिक सञ्जालमा भाइरल भएको छ ।

रुसको रक्षा मन्त्रालयले आइएल–७६ विमानले ६५ जना युक्रेनी बन्दी सैनिक, ६ चालक दल र ३ एस्कर्ट गरी ७४ जनालाई लैजाँदै गरेको जनाएको छ ।

खार्किभ सीमा क्षेत्रमा तैनाथ युक्रेनी सेनाले विमानमा दुई क्षेप्यास्त्र प्रहार गरेको भन्दै मन्त्रालयले सो घटनालाई ‘आतङ्कवादी कार्य’ भनेको छ । तर युद्धबन्दीसँग सम्बन्धित युक्रेनी निकायले भने घटनाको अनुसन्धान गरिरहेको जनाएको छ ।

सुरुमा हतियार बोकेको रुसी जहाज युक्रेनले खसालेको समाचार युक्रेनी मिडियाले प्रचार प्रसार गरेपनि पछि भने समाचारहरु हटाइएको थियो ।

दुर्घटना बुधबार बेलगोरोडको सीमामा बन्दी आदानप्रदानमा सहमति भएको केही घन्टाअघि भएको थियो । विमान दुर्घटनाका बारेमा विभिन्‍न आशंकाहरु उव्जिएका छन् ।

युद्धबन्दीहरूको मुद्दा दुवै मुलुकमा संवेदनशील छ । पूर्णस्तरमा शत्रुता भएपनि करिब दुई वर्षअघि युद्ध सुरु भएपछि दुवै पक्ष ४९ बन्दी आदानप्रदान गर्न सफल भएका थिए ।

युक्रेनका अनुसार सर्वसाधारणहित ८ हजारभन्दा बढी युक्रेनी रुसी बन्दीगृहमा रहेका छन् । सन् २०२२ मा रुस र युक्रेनले एकअर्कामाथि पूर्वी युक्रेनको डोनेट्स्क क्षेत्रमा क्रेमलिन नियन्त्रित ओलेनिभ्कामा समातिएका दर्जनौँ युक्रेनी सैनिकलाई राखिने कारागारमा घातक बमबारी गरेको आरोप लगाएका थिए ।

लेखकको बारेमा

असल खबरअसल साथी मिडिया प्रा.लि.द्वारा संचालित असल खबर डटकम डिजिटल खबर पत्रिका हो । २०७६ सालबाट नियमित रुपमा विभिन्न समसामयिक खबरहरुको साथै सामाजिक, आर्थिक, राजनीतिक ,खेलकुद ,खोजमुलक सामग्रीहरु पनि सदैव प्रकाशन र प्रसारण गर्दै आइरहेका छौँ । देश तथा विदेशको हरेक कुना-कुनामा रहेका जनमानसमाको हात-हात र नजर-नजरमा सहि र सत्य खबर पुर्याउन हामी कटिबद्ध छौँ ।